Protestë para Kuvendit, Report Tv sjell pamjet me dron, pak qytetarë në 'revolucion'! Berisha: Po të duam hyjmë në sallë për 3 minuta! Meta: Vendi vuan nga 'kartonokracia'

Në protestën e ditës së sotme, Sali Berisha u mbështet vetëm nga Ilir Meta, ndërsa u braktis nga aleatët e tjerë të së djathtës.

Ndonëse me Vangjel Dulen ka firmosur një koalicion për bashkëpunim në zgjedhjet e 14 majit, ky I fundit nuk shfaqet në protestat e thirrura para Kuvendit nga Sali Berisha.

Ndryshe nga protesta para kryeministrisë, edhe aleati tjetër Fatmir Mediu nuk u duk në protestë. Bashkë me të, as kreu I LZHK Dashamir Shehi, apo Agron Duka I Partisë Agrare Ambientaliste.

Me ardhjen e Berishës në selinë blu, krah PD nuk shfaqet më as Shpëtim Idrizi që së fundmi ka nisur bashkimin e votave me maxhorancën.

Sali Berisha e quan SPAK-un, si institucion juridik të Partisë Socialiste! I pyetur nga gazetarja Danjela Maloku, në lidhje me thirrjen e aleatit të tij Ilir Meta në SPAK për çështjen CEZ-DIA, kohë kur Berisha ka qenë kryeministër, tha se SPAK nuk heton, por është institucion juridik i PS-së.

‘SKAP-i partisë është seksioni juridik i PS. Këtë nuk ka njeri që nuk e ka marrë vesh deri më sot. Është kryer një veprimtari e paparë në shekuj, mafioze nga Edi Rama, këshilltari i tij personal Dorian Duçka dhe nga miku i tij Agron Neza. Një nga ata prokurorë për ti hapur çështjen dhe për ti vendosur hekurat në duar Edi Ramës. Enver Hoxha po të ngrihej nga varri do ta shpallte heroin e popullit shqiptar. Kush e di? Spak hesht para gjitha këtyre! SPAK hesht kur abazhurët dhe muret e restoranteve të Tiranës dëshmojnë dhe flasin për gjobat që dy lejtëntët e Edi Ramës Dorjan Duçka dhe Neza që vendosin ndaj biznesmenëve shqiptar.  SPAK nuk heton. Nuk ekziston. Si mund të padis unë kriministër!’- tha Berisha.

Ka zgjatur rreth 2 orë protesta e opozitës para parlamentit, protestë në të cilën u mblodhën shumë pak qytetarë. Fjalimet kryesore në protestë ishin të Ilir Metës dhe të Sali Berishës. Me fjalimin e këtij të fundit, u mbyll edhe protesta, ndërsa qytetarët u shpërndanë brenda pak minutave.

Ish-Kryeministri Sali Berisha ka hedhur sërish akuza të rënda në drejtim të eksponentëve kryesorë të mazhorancës. Ai thotë se vrasësit e kenianes 22-vjeçare Joy Ayoko fshihen në qeveri dhe këtë e justifikon me akuza të tjera për Taulant Ballën.

“Në qeveri fshihen vrasësit e Kenianes. Ndonjëri që çuditet i them që të shikojnë pak atë kriminelin Taulant Balla. E kam denoncuar 10 herë. Vendi i tij është në burg si trafikant femrash. Prandaj ata e fshehin historinë Xhoit. Ai është denoncuar nga diplomatë të huaj se ka nxjerrë viza për prostituta moldave për të ardhur në Shqipëri. Fatos Nano në vend ta çojnë në prokurori e bëri këshilltar. Ai është denoncuar se ka porositur vrasje”, tha Berisha

Nga protesta që thirri para Kuvendit, Sali Berisha thotë se 3 marsi do të jetë ditë fitoreje për revolucionin. Ndonëse është data e përcaktuar për fatin e vulës së PD, Sali Berisha thotë se nuk do të jetë ai qëllimi, por revolucioni për rrëzimin e Edi Ramës. Teksa ka bërë thirrje për marshim drejt Surrelit si një veprim për vijimësinë e betejës, jep edhe një paralajmërim për Gardën që ka rrethuar godinën e Kuvendit.

Sipas Berishës, nëse duan mund të hyjnë për 3 minuta brenda Kuvendit por zgjedhin të mos e bëjnë për shkak se kanë zgjedhur rrugën paqësore.

“Sot Taulant Balla njoftoi vendimin që do japë gjykata me datë 3, unë i them meqenëse ti je i pari që njoftove vendimin, të betohem para këtyre burrave, se ti dhe Edi Rama do bëheni përgjegjës personal për çdo akt armiqësor ndaj PD-së dhe opozitës shqiptare. Kudo që të fshihesh, në çdo vrimë miu, do të kapim dhe do të çojmë te Gentian Sharra. Për këtë Edi Rama dhe ti do jeni përgjegjës personalë.

Nuk ka forcë që t'ju mbrojë se po të duam për tre minuta, jemi brenda në parlament. Prandaj ikni.E kemi rregullin tonë ne por po vendosëm, jemi në sallë! Asgjë s'na pengon. Po vendosëm, jemi në sallë, asgjë nuk na pengon! 3 marsi është dita e madhe, 3 marsi është ditë fitoreje për revolucionin. 3 marsi është dita e çdo shqiptari, është dita në të cilën bëjmë betejën për të sotmen dhe të ardhmen tonë. Edhe njëherë ju përshëndes shumë përzemërsisht, ta vazhdojmë betejën tonë. Në çdo rast, marshi drejt Surrelit, do jetë marshi ynë”, tha Berisha.

Kryetari i Partisë së Lirisë Ilir Meta, i ka bërë thirrje socialistëve që t’i japin sipas tij dënimin e merituar Edi Ramës. Meta tha se ai i dorëzon një nga në të gjithë bashkëpunëtorët e tij dhe së fundmi po thotë se ‘do ia fusë edhe Arbën Ahmetajt’.

“Ju deputetë të PS-së mblidhuni të mos keni një fat si PASOK-u. Sikur çdo demokrat dhe demokrate do të punonte me 1/5 e pasionit të tij nuk do të ngelej asnjë bashki në hartën e Shqipërisë të votonte për këta hajdutë”, tha Meta. Kemi të bëjmë me një bandë që është deligjitimuar plotësisht. Kur ngrihet populli ngrihet llogaridhënia, bien çmimet”, tha Meta.

Sali Berisha hedh akuza se Edi Rama ka përdorur charter-in për t’i bërë presion ministrave të tij që të firmosin dokumentet për djegësat

“Ju po protestoni kundër një njeriu io cili vazhdon të vjedhë ditën dhe natën me aferën e djegësave. A e dini ju se djegësat 420 milionë euro kanë vetëm një njeri kryesor dhe ky është Edi Rama. E dini ju se charter i tij është përdorur për t’u bërë presion ministrave të tij që të firmosin dokumente për djegësat? A e dini ju se me Erion Veliajn vjedhin në cdo ton mbetje që derdhen në Sharrë? 18 mmilionë euro nga djersa juaj.

Meta foli për rrogat e pensionet. Në 2013, shqiptarët i kishin më të lartat në rajon. Po sot ku janë? 30-40 % më të ulëta se në Kosovë se qeveritë e tjera nuk vjedhin si ky, se mendojnë që taksat janë të qytetarëve dhe duhet të përdoren për shkollat e tyre e spitalet e tyre”, tha Berisha.

Nga protesta jashtë Kuvendit, Sali Berisha ka mbajtur të njëjtin qëndrim si deputetët e opozitës në sallë duke thënë se po shkelmohet Kushtetuta.

“Jeni zëri i vërtetë i çdo shqiptari kudo ndodhet. Dua të qartësoj se kjo është betejë për mbrojtjen e Kushtetutës, e cila shkelmohet nga banditët, porositës të vrasjeve, nga padronë të klaneve të drogës, të krimit.28 burra dhe gra të votuar nga zgjedhësit shqiptarë gjykojnë se duhet të hetojnë, duhet të sjellin para zgjedhësve të tyre të vërtetën mbi këtë çështje kurse trafikantë dhe kukulla pa asnjë dinjitet njerëzor të Edi Ramës bllokojnë këtë të drejtë të deputetëve të opozitës vendosën hetimin e udhëtimeve të Edi Ramës në të cilat ka shpenzuar me avionin e tij me dhomë gjumi luksoze dhe me 22 rroga nga më të majmet të personelit ka shpenzuar mbi 22 milionë euro në 137 fluturime. Presidenti i SHBA kishte realizuar gjithsej me AirForce1 40 fluturime, pra njeriu që ka përgjegjësinë e botës kishte parë të nevojshme 40 udhëtime kurse Edi Rama, 137 fluturime me avion në dispozicion të gjithë taksat tuaja, e gjithë mundi juaj kurse fëmijët largohen e vetëm largohen nga ky vend”, tha Berisha.

Për kryetarin e Partisë së Lirisë, Ilir Meta, Shqipëria po vuan nga ‘kartonokracia’, duke iu referuar dhunës së opozitës së kartonëve nga mazhoranca në Kuvend sipas tij.

“Ai është në një gjendje shumë të rëndë por edhe sepse e ka shuar edhe atë Parti Socialiste që ekzistonte. Shqipëria sot vuan nga kartonokracia”, tha Meta.

Ai tregoi historinë e një socialisteje e cila kur ai ishte president i tha se Rama i kishte premtuar ta cconte ambasadore pasi ajo kishte kundërshtuar në PS.  

“Në 2017 më erdhi një ish-ministre socialiste, s’ka nevojë t’ia them emrin, sepse secili e imagjinon, edhe më thotë, ‘meqenëse se ti je zgjedhur për president, a ke t’i kundërshtim që unë të shkoj ambasadore në SHBA’, ‘jo i thash, por pse?”. ‘Më thirri Edi, mu përgjëruar dhe më tha të dua atje’. I thash ‘unë s’kam kundërshtim, por kujdes mos ta fut Edi, se s’të do më deputete’., sepse ajo ishte zëri i fundit kundër që kishte mbetur në PS… ajo zonja e nderuar, as ambasadore nuk bë, dhe as anëtare e asamblesë nuk u bë. Pse?  Sepse është skizofren dhe edhe një zë kundër e shqetëson. Këtë e kanë kuptuar edhe socialistët e ndershëm”, tha Meta.

Me forca të shumta sigurie, Sali Berisha i është bashkuar protestës së thirrur prej tij para Kuvendit, ku ka grumbulluar një numër të vogël protestuesish. Me mbërritjen e tij në protestë, organizatorët, vendosen në sfond muzikë, si një mënyrë për të krijuar më tepër zhurmë.

Ilir Meta, kryetar i Partisë së Lirisë i është bashkuar protestës së Sali Berishës. Me një numër të vogël protestuesish, Meta është bashkuar me turmën.

Report Tv sjell video nga protesta e thirrur nga Sali Berisha ditën e sotme para Kuvendit. Siç shihet edhe nga pamjet, thirrjes së ish-kryeministrit i janë përgjigjur një numër i vogël qytetarësh.

 Ish kryeministri Sali Berisha nuk ka arritur të mbledhë as një ‘grusht’ njerëzish për të protestuar. Prezenca e pakët tregohet nga pamjet e sigurara me dron nga Report Tv ku protesta i ngjan më tepër një dite normale me kalimtarë të çastit. Ndërkohë, deputetet e përjashtuar, së bashku me disa të tjerë, janë duke tentuar që të mësyjnë në sallën e parlamentit. Qytetarët nuk i përgjigjen skenarit të njëjtë të Berishës. 

Sali Berisha ka mbërritur në selinë blu vetëm pak minuta para se të nisë protesta e thirrur prej tij para parlamentit. Një mbështetës e ka pritur duke i thënë: “T’marrsha të keqen, të pafsha mirë e më mirë.”

Ndërsa ish kryeministri ka buzëqeshur dhe e ka përshëndetur me 2 gishta.