POP 5

Lajmet më të lexuara të 5 minutave të fundit

Politikë

Protesta te liqeni, Prokuroria nis
hetimin për armën e Strazimirit

Prokuroria e Përgjithshme, në bazë të materialit të referuar nga ana e Policisë së Shtetit, ka regjistruar proçedimin penal nr.2/2016, për veprat penale :
”Kundërshtimit të punonjësit që kryen një detyrë shtetësore apo një shërbim publik”, parashikuara nga neni 235 i K.Penal, dhe ”Organizimi dhe pjesmarrja në grumbullime  dhe manifestime të paligjshme”, të parashikuar nga neni 262  të Kodit Penal, për ngjarjen e datës 28.03.2016, ndodhur në zonën e Liqenit Artificial, Tiranë.  VIDEO
Protesta te liqeni, Prokuroria nis<br />hetimin për armën e Strazimirit
Prokuroria e Përgjithshme ka nisur hetimet ndaj deputetit demokrat Gent Strazimiri për veprën penale ”Prodhimi dhe mbajtja pa leje e armëve luftarake dhe e municionit” si dhe ndaj ligjshmërisë së projektit të ndërtimit të këndit të lojërave, në zonën e Liqenit Artificial, Tiranë.

Hetimet për Strazimirin vijnë pas referimit të dokumentave të Policisë së Shtetit në prokurori, lidhur me armën që deputeti mbante në protestën që u zhvillua te Liqeni Artificial në Tiranë, disa ditë më parë.

Vetë Strazimiri ka mohuar të ketë pasur armë me vete në protestë, ndërsa më vonë, pjestrë të PD-së thanë se ajo që Strazimiri kishte në brez ishte këllëf celulari, edhe se pamjet u manipuluan nga media.

“Emri i deputetit Strazimiri është shënuar në Regjistrin e Proçedimeve Penale të Prokurorisë së Përgjithshme në bazë të akteve paraprake të dorëzuara nga ana e Policisë Gjyqësore. Ndër të tjera, në këtë material është edhe deklarimi i shtetasit P.N., i paraqitur si ish-përfaqësues i një firme prodhimi armësh në Gjermani. Sipas deklarimit të tij, kompania që përfaqësonte, i ka dhuruar disa vite më parë një sasi armësh Ministrisë së Brendshme, një prej të cilave pretendon se është në posedim të deputetit Gent Strazimiri dhe ekspozuar prej tij në ngjarjen e datës 28.03.2016, në zonën e Liqenit Artificial, Tiranë”, thuhet në njoftimin e Prokurorisë.

Gjithashtu, të njëjtat burime zyrtare bëjnë me dije se “Prokuroria po vijon hetimet për persona të tjerë të përfshirë në ngjarjen e datës 28.03.2016, ashtu edhe për ligjshmërinë e projektit të ndërtimit të këndit të lojërave në zonën e Liqenit Artificial, në bazë të kallëzimit të dorëzuar nga përfaqësues të Shoqërisë Civile”.

Redaksia Online
(m.b/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!

Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!

24 Dhjetor, 19:15