Protestat e janarit, PD do rrethojë
ministritë e akuzuara për korrupsion

TIRANE- Pas 3 protestave radhazi brenda dy javëve, një përpara selisë së Këshillit të Ministrave dhe dy te Parlamenti, demokratët do të ndryshojnë strategjinë e protestave pas Janarit të vitit të ardhshëm. Ato nuk do të jenë më masive, siç i kemi parë deri tani, por në mënyrë simbolike, opozita do të protestojë përpara Ministrive të akuzuara prej saj si të korruptuara, duke i dhënë kështu kuptim paralajmërimit të kryetarit demokrat Lulzim Basha për fillimin e mosbindjes civile. Burime pranë Partisë Demokratike thanë dje për Shqiptarja.com se plani i ri i protestave parashikon përqendrimin e tyre në funksion të kauzës së re të demokratëve, atë të antikorrupsionit.