Protestuan në Tiranë për gjetjen e Thodhorit dhe Sulovarit, Rrumbullaku takohet me familjarët e dy të zhdukurve në Sarandë

 

Drejtori i Përgjithshëm i Policisë së Shtetit, Muhamet Rrumbullaku, menjëherë pas takimit të zhvilluar paraditen e sotme, në Drejtorinë e Përgjithshme të Policisë së Shtetit, me familjarë të Leonard Thodhorit dhe Fatmir Sulovarit të kallëzuar si të humbur, në Sarandë, ka mbërritur pasdite në Komisariatin e Policisë  Sarandë, për të parë nga afër punën hetimore dhe kërkimore që po bëhet për gjetjen e dy 46 vjeçarëve të humbur.  

Mësohet se Drejtori i Përgjithshëm, gjatë takimit, i ka njohur familjarët, me punën hetimore dhe kërkimore të strukturave të Policisë së Shtetit, në bashkëpunim me agjencitë ligjzbatuese, për gjetjen e dy shtetasve. Policia e Shtetit e ka vlerësuar maksimalisht që në fillesë këtë ngjarje dhe jemi duke punuar intensivisht. Ai i siguroi se hetimet dhe kërkimet për këtë rast do të thellohen akoma më shumë.  

 Siç duket, Drejtor Rrumbullaku ka mbërritur në Komisariatin e Policisë Sarandë dhe pritet të zhvillojë një analizë të detajuar të punës së kryer deri në këto momente, për të vendosur për mënyrën se si Policia do të procedojë në vijim, mbi bazën e provave që ka mbledhur dhe administruar tashmë, me qëllim gjetjen e dy shtetasve.

Pak më herët ka mbërritur në Sarandë  edhe Drejtori i Policisë së Vlorës, Ermal Muça.


Lajmi kryesor:

VIDEO/ Zhdukja e Sulovarit dhe Thodhorit në Sarandë, familjarët protestë para Policisë së Shtetit në Tiranë: T’u hedhim një dorë dhé nëse janë vrarë


B.V/KT/Shqiptarja.com
  • Sondazhi i ditës:

    Shqipëria skualifikohet nga Euro 2024, a ju pëlqeu loja e Kombëtares



×

Lajmi i fundit

Dosja/ Skandali me aparaturën e kobaltit, mjeku i Onkologjikut ngriti alarmin: Nëpër korridore rrezatimi 20 herë më i lartë! Takimi me Qirjazin nuk e zgjidhi, mu bë gjyqi

Dosja/ Skandali me aparaturën e kobaltit, mjeku i Onkologjikut ngriti alarmin: Nëpër korridore rrezatimi 20 herë më i lartë! Takimi me Qirjazin nuk e zgjidhi, mu bë gjyqi