POP 5

Lajmet më të lexuara të 5 minutave të fundit

Politikë

PS: Ajazi s'mund rrijë në krye
të SHISH, PD: Po bëni presion

Mazhoranca dhe opozita vazhdojnë përplasjen për kreun e Shërbimit Informativ Shtetëror. Deputeti i PS-së, Arben Çuko deklaron se Visho Ajazi nuk mund të qëndrojë në krye të SHISH pasi është në kushtet e pavlefshmërisë së kryerjes së detyrës. Noka: Doni të mbuloni dështimin e Tahirit.
PS: Ajazi s'mund rrijë në krye<br />të SHISH, PD: Po bëni presion
TIRANE- Mazhoranca dhe opozita vazhdojnë përplasjen  për kreun e Shërbimit Informativ Shtetëror Visho Ajazi.

Deputeti i PS-së, Arben Çuko, njëkohësisht anëtar i Komisionit të Sigurisë deklaron se Visho Ajazi nuk mund të qëndrojë në krye të SHISH pasi është në kushtet e pavlefshmërisë së kryerjes së detyrës. Por nga ana e PD-së, nënkryetari i Komisionit të Sigurisë Flamur Noka thotë se e gjitha është presion ndaj ketij institucioni me qëllim largimin e vëmendjes nga ministria e Brendshme e cila ka dështuar të luftojë krimin e organizuar.

“Ky drejtor nuk ka certifikatën e sigurisë dhe është në kushtet e pavlefshmërisë së kryerjes së detyrës. Nuk kemi mbaruar ende fazën pyetjes në Komision. Pa certifikatë ai nuk mund të raportojë . Po presim që të pajiset me certifikatë. Por një person që ka dy shtetësi duhet t’i vijë çertitifikata nga  të dy shtetet.”- tha Çuko

Nga ana e tij nënkryetari i komisionit të sigurisë thotë se “bëhet për të fshehur paaftësinë e Ministrisë së Brendshme dhe strukturave të policisë së shtetit për të luftuar krimin e organizuar.  Kërkojnë t’i faturojnë paaftësinë e Ministrisë së Brendshme, institucionit të SHISH.  Kërkon që luftën kundër krimit ta bëjë SHISH dhe policia e shtetit të bëjë policinë e lojrave të fatit mjedisit, por vetëm luftën kundër krimit jo.”

Javën e kaluar sekretari i Komisionit të Sigurisë, Piro Lutaj depozitoi në Kuvend një kërkesë me anë të së cilës kërkon që të ushtrojë një kontroll në Shërbimin Informativ Shqiptar. Nëpërmjet kësaj shkrese, deputeti i mazhorancës i kërkon kryetarit të Komisionit të Sigurisë, Spartak Braho, që të aprovohet kërkesën e tij në mënyrë që të ushtrojë kontroll në institucionin e SHISH.

Redaksia online
(sg.shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Kthehu për një kafe o burrë', Rama tregon përballjet me shqiptarët në Britani: Shoferi im në Londër ka ardhur me kamion

'Kthehu për një kafe o burrë', Rama tregon përballjet me shqiptarët në Britani: Shoferi im në Londër ka ardhur me kamion

24 Nëntor, 14:21