Teksa votimi i 21 korrik po afron, çdo votë mund të përbëjë diferencën në favor të njërës apo tjetrës palë. Vangjel Dule ka ikur nga koalicioni qeverisës, por të gjitha qëndrimet e tij për votimin e reformës në drejtësi, kanë qenë diplomatike duke mos qartësuar nëse do të votojë pro apo kundër saj.

Në kërkim të votës së tij duket se janë sulur të dy kampet politike, cfarë e tregoi dhe prania e Edi Ramës dhe Edi Palokës, njëri në të majtë, e tjetri në të djathtë të Vangjel Dules në Kongresin e PBDNJ-së.