POP 5

Lajmet më të lexuara të 5 minutave të fundit

Politikë

PS: Kopshtet të mbipopulluara 
Basha premtoi se do investonte

Partia Socialiste nëpërmjet deputetes Olta Xhaçka denoncoi mbipopullimin dhe mungesën e kopshteve të reja në Tiranë. Sipas Xhaçkës, situata është krijuar nga mosmbajtja e premtimeve për investime nga kryebashkiaku Basha. VIDEO
TIRANE - Partia Socialiste nëpërmjet deputetes Olta Xhaçka denoncoi mbipopullimin dhe mungesën e kopshteve të reja në Tiranë. Sipas Xhaçkës, situata është krijuar nga mosmbajtja e premtimeve për investime nga kryebashkiaku Basha 

Deklaratë për shtyp e deputetes Olta Xhaçka
Lulzim Basha nuk ka bërë asgjë për Tiranën. Nuk ka mbajtur asnjë nga premtimet e bëra me aq bujë në 2011. As premtimet për projekte madhore që sipas tij do të transformonin qytetin e as premtimet për të bërë ato që janë detyrat bazë të çdo bashkie.

Premtoi se do të zgjidhte problemin e infrastrukturës së kopshteve e çerdheve. Premtoi se do të ndërtonte kopshte të reja për të zgjidhur problemin e mbipopullimit. Premtoi se do t’i rikonstruktonte e do t’i kthente në mrekullinë e 8 të botës kopshtet ekzistuese.

Natyrisht, nuk bëri asgjë. Këtë e dinë fare mirë qytetarët që duhet t’i çojnë fëmijët e tyre në kopshte të tejmbushura, nëse janë aq me fat sa të arrijnë t’i regjistrojnë në një kopsht publik. Por meqë Luli ngul këmbë që përveç tramvajit, bulevardit të ri dhe kartës së studentit e ka mbajtur edhe premtimin për kopshtet le të shohim konkretisht me fakte se çfarë ka bërë.

Në vitin 2013 projekti i Lulit për rikonstruksion dhe ndërtime kopshtesh parashikonte 4.2 milionë dollarë investime. Në fund të vitit 2013 arriti të realizonte vetëm 210 mijë dollarë investime nga ky plan i bërë nga vetë Luli. Sado i paaftë të jesh në matematikë është e vështirë të të shpëtojë fakti se me këto ritme Lulit do t’i duheshin fiks 20 vjet për realizuar planin.

Praktikisht, Luli po u thotë prindërve që i kanë sot fëmijët në kopshte dhe çerdhe që kur nipërit e tyre të bëhen për të shkuar në kopsht, një pjesë e kopshteve të Tiranës do të jenë në gjendje më të mirë. Kjo është ajo çka nënkupton Luli kur përsërit pareshtur se është vizionar dhe largpamës. Sepse Luli sheh realisht shumë larg.

Qytetarët e Tiranës nuk kanë kohë për të humbur me vizionet e Lulit apo kandidatëve të Lulit. Sot i madh e i vogël e di që problemi më i madh i Tiranës ka qenë Luli. Prandaj në 21 qershor ata do të votojnë për ta rikthyer kryeqytetin në drejtimin e duhur. 

Redaksia Online
(Gre.M/Shqiptarja.com)
 

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Të rinjtë në politikë, Nikola Kedhi: Qeverisja e Ramës më e keqja, Basha çoi PD vetëm në humbje! Kullolli: Zgjedhjet e 11 majit janë pikë kyçe për integrimin

Të rinjtë në politikë, Nikola Kedhi: Qeverisja e Ramës më e keqja, Basha çoi PD vetëm në humbje! Kullolli: Zgjedhjet e 11 majit janë pikë kyçe për integrimin

16 Janar, 19:18