POP 5

Lajmet më të lexuara të 5 minutave të fundit

Arkiva

PS në Maliq, Rama: Do heqim
TVSH-në për 5 produktet bazë

Kreu i Partisë Socialiste Edi Rama zhvillon takim elektoral në Maliq, në qarkun e Korçës. Rama ka premtuar sërish heqjen e TVSH-së për 5 prodhimet bazë, të bukës, qumështit, miellit, vajit dhe vezës.
PS në Maliq, Rama: Do heqim<br />TVSH-në për 5 produktet bazë
MALIQ- Me një kostum bezhe, dhe një lule të vendosur në xhaketë me ngjyrën që simbolizion "Rilindjen e PS në këto zgjedhje", Edi Rama është takuar me qytetarët e Maliqit, në qarkun e Korçës. Në takimin elektoral me banorët e këtij qyteti, Rama ka premtuar sërish heqjen e TVSH-së për 5 prodhimet bazë, të bukës, qumështit, miellit, vajit dhe vezës.
 
Kryesocialisti tha se forca poltike që ai drejton do të ulë taksat, duke theksuar se “ekonomia e vendit është rrënuar, ashtu si edhe ajo familjare. Ndaj familjet nuk kanë mundësi ekonomike për të përballuar jetesën, apo të paguajnë taksat”.

“Kryeministri shpif kur flet për premtimet tona për heqjen e TVSH-së. Ne nuk kemi thënë asnjë moment se do të heqim TVSH-në për mishin, por kemi thënë që do të heqim taksën për bukën, qumështin, vajin, miellin dhe vezën, pesë produktet bazë që qytetarët mund të mbajnë frymën gjallë. Nuk mund të paguajnë më shqiptarët për ushqimet bazë. Kjo nuk ndodh as në vendet më të zhvilluara, por ndodh vetëm në këtë Shqipërinë e rrënuar nga Berisha”, tha Rama duke theksuar se Shqipëria ka në timon një drejtues që po e çon drejt humnerës.

Rama tha se mungesa e ndërhyrjeve me kanale kulluese ka bërë që fusha e Maliqit të rrezikojë sërish kthimin në kënetë.
 
“Kemi gjyshin me antiplumb që tregon përalla. E këtu në Maliq kemi përrallën e Kënetës, që ka filluar të nxjerrë prapë kurrizin, duke penguar bukën e gojës, duke mbuluar fushën. Por kjo është një situatë e krijuar nga një qeverisje që ju ka lënë pas dore. Kjo ndodh kur vendi udhëhiqet dhe qorra dhe shurdhër që nuk kanë vesh të dëgjojnë popullin e tyre, që nuk kanë sy të shikojnë hallet e qytetarëve të tyre. Dhe aty atdheu fillon humbet çdo ditë. Siç ka humbur në këto 8 vite mundësi, bukuri, potenciale, shpresa dhe ëndrra” tha Rama.
 
RAMA: SHQIPTARET E MERITUAN ANETARESIMIN NE NATO
 
Duke iu referuar deklaratave të vazhduara të kreut të PD-së për anëtarësimin e vendit në NATO, Rama tha se “Shqipërinë në NATO nuk e futi Berisha, por atë e merituan vetë shqiptarët’.
 
Më tej, kryesocialisti iu drejtua sërish kreut të qeverisë, Sali Berisha, duke thënë se “me NATO-n ke bërë njëherë një fushatë në vitin 2009, mos e bëj sërish”.

Redaksia Online
(e.s/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Mahmutaj për Report Tv: Gjyqtarja Fetahu e lidhur me bandën e Çelës, porositi vrasjen e një gazetari! Zgjodhi rrugën më të pisët

Mahmutaj për Report Tv: Gjyqtarja Fetahu e lidhur me bandën e Çelës, porositi vrasjen e një gazetari! Zgjodhi rrugën më të pisët

27 Nëntor, 19:37