TIRANE - Partia Socialiste deklaroi sot se ka ngritur një strukturë kapilare që mbledh, evidenton dhe verifikon të gjitha shkeljet që kanë qëllim manipulimin e votës. Më pas u denoncuan 40 drejtues dhe efektivë të Policisë të Shtetit, për përfshirje në fushatën e PD-së. Sipas deputetit të kësaj force politike, Saimir Tahiri “ata do të përballen me drejtësinë pas 23 qershorit”.

STRUKTURE KAPILARE PER EVIDENTIMIN E MANIPULIMIT TE VOTES

Ata inkurajojnë çdo qytetar të denoncojnë rastet e presionit, si dhe i kujtojnë punonjësve të administratës se të gjithë ata që do të ndihmojnë Berishën do përballen me ligjin pas 23 qershorit. 
 
 “Raste flagrante ndodhën dje, sot në Krujë e Kukës, ku bastisje efektivësh policie ordinerë të urdhëruar nga Flamur Noka bëjnë presionin politik për mbështetësit e opozitës. Buxheti i shtetit, makineritë janë kthyer në shërbim të partisë në pushtet dhe kuotat që kërkon Saliu. CEZ, ndërmarrja e ujësjellësit, posta e TVSH bëjnë fushatë për Saliun e pashpresë e familjen e tij.  Bashkia e Lulit është shndërruar në çetë që dalin dhe natën për të mbledhur vota e kartat e identitetit. Kompani çimentosh e çeliku, dhe lojërash fati janë vënë në shërbim të partisë së Saliut”, tha Saimir Tahiri, kryetari i PS-së së Tiranës, në një prononcim për median nga selia e PS-së.
 
PS ka ngritur një strukturë kapilare që merr, mbledh, evidenton, verifikon dhe dokumenton të gjitha shkeljet e ligjit nga militantët në administratën publike dhe Policinë e Shtetit, ndaj inkurajon të gjithë qytetarët të denoncojnë çdo sipërmarrje që ka për qëllim manipulimin e votës.

PS vë në dispozicion 2 numra telefoni 0682929292 dhe 044801050 për qytetarët dhe garanton se çdo denoncim do të verifikohet.

“Kemi mbledhur dhe evidentuar një numër të konsiderueshëm denoncimesh, presione ndaj votuesve, oferta për të mbledhur karta dhe trajtim kërcënues e detyruar ndaj administratës publike“, tha Tahiri.

Nënkryetari i grupit të PS paralajmëroi se “ata që shkelin ligjin pas 23 qeshorit, Kodi penal nuk do harrojë askënd. Ndihma për Saliun e pashpresë do t’ju kthehet e pashpresë kur ju të jeni përballë ligjit dhe s’do keni pranë Saliun. Me "Belle Air" do të merremi gjatë pas zgjedhjeve dhe do të bëhet drejtësi”.

EMRAT E 40 DREJTUESVE TE POLICISE TE PERFSHIRE NE FUSHATEN E PD

Me pas Partia Socialiste denoncoi 40 drejtues dhe efektivë të Policisë të Shtetit, për përfshirje në fushatën e PD-së. Sipas deputetit të kësaj force politike, Saimir Tahiri “ata do të përballen me drejtësinë pas 23 qershorit”.
 
“40 emrat e parë të drejtuesve dhe efektivave të Policisë së Shtetit, që sipas informacioneve tona janë përfshirë në makinerinë e manipulimit të votës dhe fushatës së partisë në pushtet! Pas 23 qershorit, do përballen me drejtësinë”, tha Tahiri.
 
Më tej deputeti i PS-së, të gjithë ata që shkelin ligjin duke deformuar votën, pas zgjedhjeve do të përballen me drejtësinë.

1. Gëzim Gj. Drejtoria Tiranë
2. Bujar A. Drejtues, Drejtoria e Policisë
3. Kujtim M. Shef Kuadri Drejtoria Tiranë
4. Xhavid C. Burime Njerëzore Drejtoria Tiranë
5. Ramiz B. Seksioni Anti Korrupsion Drejtoria Tiranë
6. Astrit L. Shërbimi Kontrollit të Brendshëm Tiranë
7. Gazmend H. Drejtues Komisariati
8. Nazmi Sh. Drejtues Komisariati
9. Rakip H. Drejtues Komisariati
10. Benet K. Shef Sektori, Drejtoria Tiranë
11. Henigert M. Shef Krimesh, Komisariat Tiranë
12. Pëllumb N. Drejtoria Kufirit Tiranë
13. Arjan H. Krimi Ekonomik Tiranë
14. Ervin D. Shef Seksioni Drejtoria Tiranë
15. Sokol S. Drejtoria Tiranë
16. Granit Sh. Drejtoria Tiranë
17. Agron B. Drejtoria Tiranë
18. Fred Sh. Drejtoria Tiranë
19. Him M. Shef Rendi
20. Ilir Z. Shef Qarkullimi
21. Altin M. Oficer Drejtoria Operacionale Tiranë
22. Hulian Sh. Agjent Vëzhgimi
23. Durim S. Agjent Vëzhgimi
24. Fatmir A. Agjent Vëzhgimi
25. Bekim S. Agjent Vëzhgimi
26. Gjergji M. Agjent Vëzhgimi
27. Bardhi N. Agjent Vëzhgimi
28. Ervin M. Agjent Vëzhgimi
29. Gers L. Agjent Vëzhgimi
30. Altin M. Oficer Reparti Renea
31. Osman L. Oficer FNSH
32. Mirbi B. Inspektor Komisariati Tiranë
33. Skënder Gj. Patrullë
34. Gjin Gj. Seksioni i Ruajtjes së Objekteve
35. Osman F. Oficer Komisariati Tiranë
36. Fatos M. Agjent Krimesh Komisariati Tiranë
37. Ylmi S. Agjent Krimesh Komisariati Tiranë
38. Besim N. Agjent Krimi Ekonomik Tiranë
39. Agron B. Komandant Patrulla Tiranë
40. Florenc H. Inspektoriati Bashkia Tiranë
 
Redaksia online
(sg/shqiptarja.com)