TIRANE- Gjashtë koordinatorët e rajoneve në Partinë Socialiste, kanë marrë tre detyrat e para të këtij procesi organizativ. Saimir Tahiri, Lindita Nikolla, Ditmir Bushati, Taulant Balla, Blendi Klosi dhe Koço Kokëdhima do të nxjerrin në terren nga 3 ekipe që do të punojnë për 3 çështje të ndara.

Çështja e parë ka të bëjë me skanimin e anëtarësisë. Për kryerjen e kësaj detyre grupet e punës tashmë janë përhapur në çdo pallat. Në të gjithë territorin do të merret në shqyrtim çdo organizatë partie dhe do të shikohet, sa janë anëtarët dhe kush janë ata. Do të analizohet aktivizimi i tyre, mosha dhe përbëja gjinore, madje ajo dhe fisnore. Anëtarësimet e reja synohet të jenë me përfshirje të reja nga të rinjtë dhe gratë, si dhe të mbulohen të gjitha fiset dhe zonat.