Mjeku Dritan Leli do të jetë emri me të cilin socialistët do të përfaqësohen në zgjedhjet vendore të 21 qershorit.
Për bashkinë Sarandë është përzgjedhur emri i Floriana Kokës, punonjëse e kësaj bashkie, ndërsa për bashkinë Himarë, PS do të rikandidojë Gjergji Goron.
Ky vendim u bë i ditur nga deputetja e PS-së e qarkut Vlorë, Valentina Leskaj, pas një takimi që ajo dhe deputetët e tjerë të këtij qarku zhvilluan paraditen e sotme me kryetarin e PS-së, Edi Rama.
Pas 15 minutash, ministri i Ekonomisë dhe Sipërmarrjes, Arben Ahmetaj bëri të ditur vendimin tjetër të PS-së për shpalljen e kandidaturave për qarkun e Gjirokastrës. Në bashkinë Libohovë do të kandidojë Luiza Mandi; në bashkinë Tepelenë Tërmet Peçi; në bashkinë Memaliaj, Durim Roshi dhe Gilbert Jaçe në bashkinë Përmet.