Disa anëtarë të Partisë Social Demokrate nuk u lejuan të marrin pjesë në mbledhjen e këshillit kombëtar të kësaj force politike. “Janë bllokuar dyert nga kryetari i partisë dhe kemi ngelur jashtë ne anëtarët e këshillit që kemi ardhur për mbledhje”, tha sekretar i përgjithshëm i PSD-së, Rustem Preçi, i cili nuk u lejua të marrë pjesë në mbledhje së bashku me disa anëtarë të tjerë të kësaj partie.

“Ky është ilegjitim, nuk është kryetar më”, tha Flamur Haxhiaj, anëtar i këshillit kombëtar. Ndërsa, Gjinushi tha se është një tentativë të vetëm 3 anëtarëve të këshillit për të uzurpuar me forcë PSD-në.