Partitë e vogla politike aleate të PS kanë shfaqur frikë për mundësinë e pjesmarrjes në bashkëqeverisje. Pse?
Janë 35 parti aleate të PS dhe LSI të cilat kanë nënshkruar një marrëveshje parazgjedhore për përfshirjen në qeverisjen e vendit në rast fitoreje më 23 qershor. Tashmë që e majta fitoi thellë këto parti janë në pritje të takimit me Ramën dhe fiksimin e posteve që do të marrin për t’i drejtuar. Vonesat në takime të Ramës ka sjellë dhe frikë se mos mbeten jashtë bashkëqeverisjes.
 
Çfarë pretendojnë këto parti politike, duke qënë se sëbashku kanë marrë mbi 100 vota më 23 qershor?
Janë 10 parti politike të cilat kanë marrë më shumë vota, tre nga të cilat më shumë se sa dhjetë mijë vota, ndërsa dy prej tyre kanë marrë nga një deputet në mënyrë të drejtëpërdrejtë. Kështu që ato pretendojnë nga një post zv.ministri, poste drejtorësh të përgjithshëm por dhe drejtorë rajonalë sipas numrit të votave të marra në të gjitha qarqet e vendit. Ndërkohë që 25 partitë e tjera të vogla pretendojnë më pak, pasi kanë vota modeste.