Pulaku: Ndodhemi në gjendje të
vështirë, besoni se jemi të pastë

Hysen Pulaku, ashtu sikur edhe Romela Begaj dhe Daniel Godelli kërkojnë mbështetje në këtë moment nga të gjithë, pasi besojnë se janë plotësisht të pafajshëm.

“Dua të falenderoj të gjithë njerëzit që më kanë mbështetur në cdo moment të karrierës time sportive.Gjendja në të cilën ndodhemi më shumë se për këdo, është më e rëndë për të gjithë ne peshëngritësit. Duhet të kuptoni se arritjet e njëpasnjëshme të shqiptarëve dhe medaljet tona janë pikësynimi i cdo shteti. Ashtu sic na keni mbështetur gjithmonë gjatë kompeticioneve, bëjeni deri në përfundim të këtij rasti.Ne besojmë tek vetja jonë, padiskutim që bëjmë sport të pastër, besoni dhe ju tek puna dhe mundi jonë, besoni tek flamuri që ne ngremë lart” deklaron ai.

Hysen Pulaku, u shpall kampion Europe për të rinjtë në Qipro, ndërsa u pezullua për pjesëmarrjen në Kazakistan, ku doli i 10-ti.



Redaksia Online
(d.b/shqiptarja.com)