Receta

Pulë e mbushur /Sekretet e marinimit dhe mbushjes perfekte të pulës nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 14 Prill 2023, 11:48 | Përditesimi: 14 Prill 2023, 11:50

Pulë e mbushur

Përbërësit:

1 pulë
Gjalpë / Vaj ulliri
Kripë, piper, timio

Për mbushjen:

LEXO EDHE:
Fasule me pastërma nga zonja Albana

3 lgj gjalpë
250 gr mish i grirë
1 qepë e thatë
100 gr mëlçi pule
1 fk oriz
1 fk rrush i thatë
1 fk arra
5 kumbulla të thata
5 mollë
2 lgj konjak
Lëng portokalli
Kripë, piper

Përgatitja:

Pasi pastrojmë pulën e marinojmë me gjalpin dhe vajin që kemi përzjerë me kripë timio dhe piper.

Në një tigan kaurdisim mishin e grirë dhe mëlçitë. I kaurdisim mirë dhe më pas shtojmë qepën e grirë hollë, orizin dhe më pas mollët e prera në kubikë të vegjël. E shuajmë mbushjen me pak konjak duke shtuar më pas frutat e thata. Pasi ka zbërthyer kokrra e orizit shtojmë lëngun e portokallit.

E lemë të ftohet pak dhe më pas bëjmë mbushjen e pulës me lugë. E lidhim me spango pulën. E vendosim në furrë në 200 gradë për 1 orë të mbuluar me letër alumini. Më pas largojmë letrën dhe e lemë të piqet për 30 minuta. Nëse dëshirojmë mund t’i mbushim mollët me mbushjen e pulës, pasi kemi larguar pjesën e brendshme të tyre dhe i kalojmë në tavë së bashku me pulën.

MC/Shqiptarja.com

TAG: