POP 5

Lajmet më të lexuara të 5 minutave të fundit

Politikë

Punësimi, aleatët e PS në konkurs
Kërkojnë zbatimin e marrëveshjes

Partia Socialiste, si partia më e madhe e koalicionit të majtë do të presë çdo kërkesë të aleatëve lidhur me pozicionimin e tyre në qeveri dhe administratë. Edhe pse përditë rriten pretendimet e tyre për poste të caktuara, qeveria e re do të vë në zbatim marrëveshjen parazgjedhore që ka lidh me secilën parti. Me LSI është një marrëveshje ndryshe se me partitë e tjera aleate.
Punësimi, aleatët e PS në konkurs<br />Kërkojnë zbatimin e marrëveshjes
TIRANE - Pas takimit të dy ditëve më parë të kreut të PS, Edi Rama me aleatët e koalicionit të majtë, rriten pretendimet e tyre për postet në qeverinë e re. Edhe pse në marrëveshjen parazgjedhore në koalicion e majtë janë përcaktuar qartë pozicioni i tyre në qeveri në bazë të votave që do të merrnin, tashmë kjo gjë sipas aleatëve duhet të konkretizohet. Përveç partive aleate që kanë arritur të marrin një deputet, të cilët sipas marrëveshjes do të kenë përfaqësim në qeveri me poste ministrore, edhe aleatët e tjerë kanë shprehur kërkesa për punësimin e njerëzve të tyre si dhe poste qeveritare.

Aleanca Demokristiane është e para që ka shprehur kërkesat, e cila i kërkon kryeministrit të ardhshmë një post zv.ministri në kabinetin qeveritar, edhe pse jo të përcaktuar se në cilin dikaster. Kjo kërkesë u bë dje në mbledhjen e kryesisë së kësaj partie, ku kryetari Zef Bushati informoi kryesinë lidhur me takimin që bënë dy ditë më parë aleatët me kreun e PS, Edi Rama. Në këtë mbeldhje u zbulua dhe kërkesa e tyre. “Kërkojmë përfaqësim në kabinetin qeveritar në nivel zv.ministëri. Aleanca Demokristiane dha kontribut në fitoren e koalicionit”, shprehet kreu i ADK.

Por duke vijuar me pretendimet e palëve edhe aleatët e tjerë kërkojnë përfaqësimin e punësimin e njerëzve që kanë kontribuuar në fitoren e koalicionit të majtë. “Në takimin që patëm me kryeministrin Rama, ideja e tij ishte që njerëzit tanë do të konkurojnë me njëri-tjetrin për të fituar vendin e punës në administratë. Nuk është se ka një përkufizim të prerë në marrëveshjen që kemi lidhur. Edhe pse nuk kemi marrë shumë vota, shpresojmë që kjo marrëveshje të zbatohet për gjithë njerëzit e aleatëve që kanë kontribuuar në fitore”, shprehet kreu i Partisë Bashkimi Republikan Shqiptar, Zane Llazi.

Marrëveshja parazgjedhore konsistonte se nëse aleatët do të sigurojnë mbi 10 mijë vota, do të marrin dhe poste kyçe në qeverisje si ministër dhe zëvendësministër. Nëse një parti merr nga 500 deri në 1000 vota në çdo qark, ajo do të ketë një vend të garantuar në bashkëqeverisjen lokale të atij qarku. Ndërsa, kontributi në pushtetin qendror, që nënkupton drejtimin në rang drejtorish, lista do fillonte me vlerësimin nga 5 mijë vota deri në 10 mijë vota në çdo qark. Por, ajo parti që do arrinte të merrte një deputet direkt do të kishte një vend të sigurt ministri në qeverinë e re
 
REZULTATET E ALEATËVE TË PS NË VOTA

Partia Socialiste:                                           711,765  
Lëvizja Socialiste për Integrim:                       179,449  
Partia Bashkimi për të Drejtat e Njeriut:          14255    
Partia Demokracia Sociale:                           11838    
Partia Socialdemokrate:                                10138    
Aleanca Popullore:                                        8697     
Partia Kristian Demokrate:                             8094     
Partia Socialiste e Vërtet ’91:                         6111     
Partia Demokrate, Integrim e Prosperitet:        4383     
Aleanca Arbnore Kombëtare:                          3661     
Partia Socialiste e Moderuar:                          3071     
Partia G99:                                                   2952     
Partia Ligj dhe Drejtësi:                                  2480     
Partia për Mbrojtjen e Emigranteve:                 2258     
Partia Ardhmëria Shqiptare:                           2254     
Partia Socialpuntore Shqiptare:                      2227     
Partia e Gjelbër:                                           2079     
Partia e Reformave Demokratike Shqiptare:    1434     
Partia Komuniste e Shqipërisë 8 Nëntori:        1370     
Partia Mendimi i Djathte Liberal:                    1193     
Partia Lëvizja Demokratike për Ndryshim:       1180     
Partia e Punës së Shqipërisë:                        986      
Partia Aleanca Demokristiane e Shqipërisë:    908     
Partia Komuniste e Shqipërisë:                      900      
Partia Rruga e Lirisë:                                    743      
Aleanca për Barazi dhe Drejtësi Europiane:    77     
Partia e Punës e Shqipërisë e Riorganizuar:   627     
Partia Unitetit Kombëtar:                              561      
Partia Shqiptare Atdheu:                              551     
Partia Pajtimit Kombëtar:                             544      
Partia Bashkimi Republikan Shqiptar:           511      
Lëvizja për Drejtësi e Shqiptareve:                505      
Partia e Çështjeve Shqiptare:                       474      
Partia Personat me Aftësi të Kufizuar:          458      
Partia Ambientaliste:                                  445      
Partia Lëvizja Punëtore Shqiptare:               342      
Partia Toleranca e Re e Shqiperise:             296

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça