POP 5

Lajmet më të lexuara të 5 minutave të fundit

Kronikë

Punëtori 60 vjeçar vdes në kantierin e ndërtimit në aeroportin e Vlorës, e përplasi fadroma! Arrestohet shoferi! Inspektoriati i Punës nis verifikimet (EMRAT)

Inspektoriati i Punës ka nisur verifikimet në lidhje me aksidentin në punë që i mori jetën 60 vjeçarit nga Dibra. Nusret Xhoka kishte vetëm 3 ditë që kishte shkuar nga Dibra në Vlorë për të punuar me kërkesë të kompanisë. Arrestohet shoferi nga Prishtina. Të dy ishin punësuar pranë kompanisë “2A Group”. 

VLORE-  Një punëtor ndërroi jetë mbrëmjen e 17 janarit në kantierin e ndërtimit në aeroportin e Vlorës. Ngjarja u shënua rreth orës 21:20 të 17 janarit. Viktima, Nusret Xhoka 60 vjeç nga Dibra u përplas nga një fadromë që drejtohej nga  63 vjeçari, nga Prishtina, Rrahman Sllamniku. Të dy ishin punësuar pranë kompanisë “2A Group”.

Policia e Vlorës tha se ka arrestuar 63 vjeçarin, pasi dyshohet se duke drejtuar një fadromë, ka humbur kontrollin mbi drejtimin e saj dhe ka përplasur një trajler, informoi sot policia. 

Burimet thanë se fadroma ka përplasur shoferin, Nusret Xhoka, i cili sapo kishte zbritur nga mjeti i tonazhit të rëndë, dhe për pasojë ka ndërruar jetë në vend. Vazhdojnë hetimet për zbardhjen e këtij aksidenti të rëndë në punë, në kantierin më të madh të ndërtimit në vend.

Në aeroportin e Vlorës punohet me tre turne me qëllim që punimet të përfundojnë brenda afatit. 

Njoftimi i policise se Vlores
Specialistët për Hetimin e Krimeve në Komisariatin e Policisë Vlorë arrestuan shtetasin Rrahman Sllamniku, 63 vjeç, banues në Prishtinë, Kosovë, pasi dyshohet se më datë 17.01.2025, rreth orës 21:20, në kantierin e ndërtimit të Aeroportit të Vlorës, duke drejtuar një fadromë, ka humbur kontrollin mbi drejtimin e saj dhe ka përplasur një trajler. Si pasojë, drejtuesi i trajlerit, shtetasi N. Xh., 60 vjeç, banues në Dibër, ka humbur jetën'

2A Group rezulton në pronësi të biznesmenit Valon Ademi, i cili deri në vitin 2019 ka qenë konsull nderi i Shqipërisë në Kosovë. Kompania zotëron 2 % të aksioneve. Ndërkohë Valon Ademi rezulton dhe administrator i konsorciumit Vlora International Airport – VIA që po ndërton aeroportin e Vlorës. Në këtë shoqëri aksionerë ‘Mabco Constructions SA  e Bexhet Pacollit ka 98 % të aksioneve dhe 2A Group SH.P.K. - 2%.  Konsorciumi fitues ka marrë përsipër që të investojë 104 milionë euro dhe ndërtimi ka nisur në maj 2023 dhe afati i përfundimit është 36 muaj.

Ndërsa në prill qeveria ka njoftuar se mbyllet faza e publikimit të aeroportit sipas standardeve ndërkombëtare, nën mbikqyrjen e operatorit të aeroportit, i cili është Aeroporti Ndërkombëtar i Mynihut

Punimet për aeroportin e Vlorës nisën në fund të vitit 2021. Në fazën e parë, Aeroporti i Vlorës, do të operojë me një kapacitet prej 2 milionë pasagjerësh. Pas mbylljes së fazës së parë, aeroporti do t’i nënshtrohet edhe dy fazave të tjera që përfshijnë, infrastrukturën për godinën kargo, zgjerimin e terminalit të pasagjerëve, dhe ngritjen e akademisë së fluturimit.

1737190983_aeroportiivlores.jpg

Kliko këtu për të lexuar dokumentin e plotë

Lajmi  ne perditesim... 

Rendit zhvillimet sipas orarit:
Ora 10:35
Aeroporti i Vlorës/ Punëtori që vdiq në kantierin e ndërtimit, ishte në ditën e tretë të punës

Inspektoriati shtetëror i punës ka shkuar në kantierin e ndërtimit për të inspektuar shkakun e aksidentit të rëndë në punë ku humbi jetën 60 vjeçari, si dhe nëse janë zbatuar rregullat e sigurimit në punë.

Për Nusret Xhoka 60 vjeç nga Dibra mbrëmja e 17 janarit ishte dita e tretë e punës. Ai u përplas nga një fadromë që drejtohej nga  63 vjeçari, nga Prishtina, Rrahman Sllamniku. Të dy ishin punësuar pranë kompanisë “2A Group”.

S.G/Shqiptarja.com

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Turku i dënuar me 15 vite burg tenton të hyjë në Shqipëri, arrestohet në Morinë! Ishte në kërkim ndërkombëtar (EMRI)

Turku i dënuar me 15 vite burg tenton të hyjë në Shqipëri, arrestohet në Morinë! Ishte në kërkim ndërkombëtar (EMRI)

18 Janar, 11:08