'Puro shqiptar', trajneri Sylvinho pranon të marrë pasaportën shqiptare (VIDEO)

TIRANË - Trajneri i Kombëtares, braziliani Sylvinho ka pranuar të marrë pasaportën shqiptare. Diçka të tillë e ka zbuluar ministri i Brendshëm, Taulant Balla, që së bashku me trajnerin e Kombëtares e kanë dhënë lajmin nëpërmjet një videoje.

Nga Samiti i Diasporës që po zhvillohet në Pallatin e Kongreseve, trajneri pranon se është qytetari më i ri i Shqipërisë, teksa në video dëgjohet "puro shqiptar", duke nënkuptuar se do jetë me nënshtetësi shqiptare.

"Jemi këtu në Samitin e Diasporës shqiptare. Kam pranë kam shqiptarin e fundit që ka pranuar të jetë qytetari ynë", thotë Balla mes të tjerash.

Ndërkohë trajneri Sylvinho ka thënë se është "puro shqiptar".

"Sigurisht, shqiptar puro. Shumë faleminderit", thotë trajneri i Kombëtares.

Pas suksesit dhe pjesëmarrjes së Kombëtares në Euro 2024, duket se Sylvinho po merr një bonus me pasaportën. Diçka e tillë ka ndodhur edhe me Giovanni De Biasin, ish-trajnerin që në 2016 mori pasaportën shqiptare pasi siguroi Euro 16 në Francë.

 

 

S.DH/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pet.: 22/11/2023 16:51

    Nenshtetesia eshte me shume se nje ndeshje futbolli. Si mund te jepe nenshtesia per 1 person i cili flet me perkthyes? Mos u tallni me kombin o servile te paftyre. E bete Shqiperine shtet bananesh.

    Përgjigju
  • Sondazhi i ditës:

    Shpërthimi fatal për babë e bir në Lushnje, a keni siguri në vendin tuaj të punës?



×

Lajmi i fundit

Vlorë, i djegin BMWX5 në oborrin e banesës (EMRI)

Vlorë, i djegin BMWX5 në oborrin e banesës (EMRI)