POP 5

Lajmet më të lexuara të 5 minutave të fundit

Arkiva

Pushteti vendor, KLSH çon
në prokurori 10 zyrtarë

Zhvillohet analiza vjetore e Departamentit të Kontrollit të Buxhetit të Pushtetit Vendor, Administrimit dhe Privatizimit të Pronës Publike. Për vitin 2011 janë realizuar 92 kontrolle, nga 60 të parashikuara.
TIRANE- Gjatë kontrolleve në fushën e administrimit të pronës publike, në fushën e ligjshmërisë dhe rregullshmërisë në njësitë e qeverisjes vendore, në sektorin e tatim taksave, në sistemin e pagave dhe shpërblimeve, në dhënien me qira të pasurisë publike, në fushën e prokurimeve publike, si dhe në fushën e urbanistikës, vitin e kaluar Kontrolli i Lartë i Shtetit ka nisur për në prokurori emrat e dhjetë zyrtarëve, në dy kallzime penale. Dje, në praninë e kryetarit të institucionit, Bujar Leskaj, u zhvillua analiza vjetore e Departamentit të Kontrollit të Buxhetit të Pushtetit Vendor, Administrimit dhe Privatizimit të Pronës Publike.

Leskaj theksoi se puna që ky Departament ka zhvilluar dhe zhvillon, është e një rëndësie të madhe, sidomos për shkak të rezultateve të faktuara në kuadër të luftës kundër fenomeneve të abuzimit dhe korrupsionit në administrimin e pronës publike, si një nga çështjet më të prekshme dhe tepër të ndjeshme për opinionin publik.


Në fjalën e tij, drejtori i këtij Departamenti, Osman Alushi vlerësoi realizimin e detyrave nga i gjithë ekipi drejtues i këtij Departamenti, ku për vitin 2011 janë realizuar 92 kontrolle, nga 60 të parashikuar, prej të cilave 67 kontrolle janë evaduar, 24 kanë përfunduar dhe do të evadohen në 3-mujorin e parë të vitit 2012 dhe një kontroll është në proces e sipër. Zyrtarët e proceduar akuzohen për konsumimin e veprës penale të "shpërdorimit të detyrës", me dëm ekonomik për buxhetin.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Polonia akuzon Rusinë se po planifikon akte terroriste kundër linjave ajrore në mbarë botën

Polonia akuzon Rusinë se po planifikon akte terroriste kundër linjave ajrore në mbarë botën

15 Janar, 22:30