Putin: Kam mënyrat e mia për të
shprehur veten,nuk ndjek Trump

Presidenti rus Vladimir Putin ka zbuluar se ai nuk ndjek Twitterin e Donald Trump. Në intervistën e tij të fundit me NBC, Putin tha se ai ka "mjete të tjera" për të shprehur këndvështrimin e tij, duke e përshkruar Trump si një "individ më modern."

I pyetur nga Megyn Kelly i NBC, nëse ai lexon ndonjëherë postimet e liderit të SHBA Donald Trump në Twitter, presidenti rus u përgjigj negativisht dhe shtoi se ai kurrë nuk e përdor këtë rrjet social.

"Kam mjete të tjera për të shprehur këndvështrimin tim ose marrjen e vendimeve. Epo, Donald është një person më modern", i tha kreu rus gazetares.

Shfaqja titullohej “Ballafaqim me Putinin”. Gjatë intervistës, Putin u shpreh se homologu i tij amerikan ka “cilësi udhëheqësi” si dhe “mban përgjegjësi kur merr vendime”.

Ndërsa lidhjet mes Moskës dhe Uashingtonit janë përkeqësuar në prag të krizës ukrainase, luftës në Siri dhe akuzave për ndërhyrjet ruse në zgjedhjet e vitit 2016, akuza të mëtejshme nuk do të çonin askund, tha Putin. Ai pohoi se edhe udhëheqësi amerikan e kuptoi këtë.

“Edhe pse ky është mandati i tij i parë si President, ai po mëson shpejtë dhe e kupton plotësisht mirë se akuzat e tregtimit ose fyerjet në nivelin tonë janë një rrugë për askund. Do të thotë vetëm t'i privojmë vendet tona nga shansi i tyre i fundit për dialog. Kjo do të ishte jashtëzakonisht e pavend”, u shpreh Putin.

Redaksia Online
A.S /Shqiptarja.com