Autoritetet ruse vendosën të mbyllin një shkollë angloamerikane në Moskë, e frekuentuar edhe nga fëmijë të ambasadës britanike dhe kanadeze.
E po ashtu është anuluar hyrja në rezidencën e pushimeve të ambasadës amerikane në Moskë. Së dyti Ministria e Jashtme ruse ka bërë me dije se do të dëbojë 35 diplomatë amerikanë në përgjigje të Washingtonit.
Por mesa duket presidenti rus Vladimir Putin ndryshon mendje duke u shprehur se diplomatët amerikanë nuk do të dëbohen.
Shefi i Kremlinit e konsideroi lëvizjen e administratës Obama provokative dhe është shprehur i hapur se do të vlerësojë marrëdhëniet dhe politikën e jashtme me presidentin Donald Trump me të cilin është i gatshëm të bashkëpunojë.
Mesa duket Shefi i Kremlinit është në pritje të politikës që do te ndjekë manjati Trump i cili deri më tani ka vlerësuar homologun rus.
Redaksia Online
Al.N/Shqiptarja.com