SHKUP- Në përfundim të mbledhjes së përbashkët të qeverive, 2 kryeministrat Edi Rama dhe Dimitar Kovaçevskin ka dalë me përshtypje pozitive mbi rezultatet e arrira, e ndërsa një fokus të veçantë i është kushtuar edhe ‘Open Balkan’. Kryeministri Edi Rama theksoi edhe njëherë se ky proces nuk e zhbën procesin e Berlinit, përkundrazi e përshpejton atë. Kreu i qeverisë shqiptare deklaroi se ka disa vende të tjera, referuar këtu Turqisë, Greqisë, Italisë se duan të bashkohen, gjë për të cilin, është tregues se është një nismë pozitive.
“Po përgatisim një tjetër samit të Ballkanit të Hapur në Shqipëri dhe jemi shumë të kënaqur që ka vende të tjera që duan të jenë pjesë e këtij procesi, pavarësisht se vendet tona mbeten motori i këtij projekti. Këtu kam parasysh Turqinë, Greqinë, Italinë që kërkojnë të jenë pjesë për të krijuar sinergji. Më vjen mirë që procesi i Berlinit ka rifillluar. Ballkani i Hapur është jetësim i procesit të Berlinit. Marrëveshjet e Ballkanit janë përshpejtim i procesit të Berlinit”, tha Rama.
Në të njëjtën linjë ka qenë edhe Kovaçevski, i cili tha se askush nuk duhet të trembet nga ‘Open Balkan’, pasi është një ide origjinale që është në të mirë të qytetarëve.
“Open Ballkan s’duhet të frikësojë askënd, është ide origjinale jo vetëm e politikanëve, por edhe e bizneseve”, shtoi Kovaçevski.
Një tjetër pikë e rëndësishme e diskutimeve ka qenë edhe integrimi në Bashkimin Europian, një rrugëtim ku Shqipëria dhe Maqedonia e Veriun i kanë të lidhur fatet me njëri-tjetrin në mënyrë të pashmangshme. Për Ramën, është e pafalshme nëse ky proces do të ndalej për shkak të politikave të brendshme të vendeve, e ndërsa për Kovaçevskin askush nuk mund t’i zhbëjë hapat e arritura.
“Populli këtu është më i mençur se politikanët dhe nuk besoj se do ia fal kujt ligësinë e rimarrjes peng të Maqedonisë së Veriut, ndërkohë që kapërcimi është epokal. S’dua ta mendoj që Maqedonia e Veriut mund të kthehet në të shkuarën dhe të izolohet kur është ringritur dhe ka fituar një dinjitet të rëndësishëm kombëtar”, tha Rama.
“Pasi e miratova këtë vendim të mirë, kishim një qëllim shumë të qartë dhe ky është thjesht fillimi. Ajo parti e merr si peng atë, sepse ai është i dobët, pa qëndrim dhe pa vizion. E lehtë mund të jetë edhe peng marrja dhe kjo i ndodh opozitës maqedonase. Një piromani të tillë politik s’guxon t’i lejohet të ndërpresë rrugën evropiane”, tha ndër të tjera Kovaçevski.
Konferenca u mbyll me një batutë nga Rama ku tha se ‘dy vendet janë në një fazë ku me hir ose me pahir do të martohen dy vendet me të dashurën të përbashkët, Europën e bashkuar’.
Pas takimit mes dy qeverive, Rama dhe kryeministri i Maqedonisë së Veriut kanë dalë në konferencë për mediat. Me batutë Rama theksoi se dy vendet janë në një fazë ku me hir ose me pahir do të martohen dy vendet me të dashurën të përbashkët, Europën e bashkuar.
“Sot ne jemi në një fazë tjetër, në një fazë, e cila do të jetë jo e lehtë, por që është një fazë e re, një fazë që ka afirmuar përfundimisht se vendi ynë është në familjen e bashkuar europiane dhe ky afirmim ka ardhur falë pasionit, punës, rezultateve dhe vendosmërisë sonë për t’u martuar me hir ose me pahir me të dashurën tonë të përbashkët, Europën e bashkuar.”, tha Rama ndër të tjera.
Nga Shkupi, kryeministri Edi Rama theksoi rëndësinë e madhe të Procesit të Berlinit në raport me Ballkanin e Hapur. Rama u shpreh se sidoqoftë, Procesi i Berlinit s’do jetë i përjetshëm ashtu sikurse është Ballkani i Hapur. Rama u shpreh me siguri se emancipimi i vendeve të rajonit do të mundësojë që mos të mbetemi për t’ marrë dorë për dore nga të tjerët.
“Ja vlen dhe më shumë, sepse kështu ndërron vendi lokomotiva me vagonët. Procesi i Berlinit, është lokomotivë që ka tërhequr vagonët. Dhe, në fund fare do mbetemi me Ballkanin e Hapur se procesi i Berlinit s’do jetë i përjetshëm. Dhe s’besoj se në jetë të jetëve duhet të na marrin dorë për dore të tjerët.”- tha Rama.
Kryeministri i Maqedonisë së Veriut, Dimitar Kovaçevski tha se askush nuk duhet që të trembet nga Ballkani i Hapur. Ai tha se kjo ëhstë një ide origjinale, i cili i vjen në ndihmë qytetarët.
‘Open Ballkan s’duhet të frikësojë askënd, është ide origjinale jo vetëm e politikanëve, por edhe e bizneseve, kur do dilni në veri nga Serbia, atje nuk ka kufij, kufijtë e vetëm janë kufijtë në Ballkan, mes Maqedonisë dhe Shqipërisë, Serbisë e Kosovës e m radhë”, tha Kovaçevski.
A po e pengon situata e tensionuar e politikës së brendshme e Maqedonisë së Veriut, anëtarësimin në BE, njëlloj siç tentoi me mospajtimin e propozimit francez? Kjo ka qenë pyetja e drejtuar në konferencën për shtyp të dy qeverive të Maqedonisë së Veriut dhe Shqipërisë. Kryeministri Kovaçevski u shpreh se askush, e asgjë nuk do të mundet të kthejë pas rrugën e Maqedonisë së Veriut drejt unionit. Kovaçevski nënvizoi se për Shqipërinë dhe Maqedoninë e Veriut udha për bashkimin evropian nuk do jetë e lehtë, por shpërblimi pas kësaj sfide do të jetë i madh.
“Nuk ka qytetar në vendin tonë i cili nuk thotë se qëllimi është që RMV të jetë anëtare fuqiplotë e unionit e BE, për jetë dhe standardin më të mirë jetësor.
Unë zgjedhjen e bëra, që gjeneratat e ardhshme ta bëjnë jetë në shtetin e tyre, në RMV vendin anëtar të unionit e BE.
Pasi e miratova këtë vendim të mirë, kishim një qëllim shumë të qartë dhe ky është thjesht fillimi. Ajo parti e merr si peng atë, sepse ai është i dobët, pa qëndrim dhe pa vizion. E lehtë mund të jetë edhe peng marrja dhe kjo i ndodh opozitës maqedonase. Një piromani të tillë politik s’guxon ti lejohet të ndërpresë rrugën evropiane. Ju them diçka, që kjo rrugë s’do jetë e lehtë as për Shqipërinë. Kjo është rruga e negociatave dhe rruga e ndryshimit të shoqërisë për më të mirën. E në fund është shpërblimi madh, anëtarësimi fuqiplotë BE, që qytetarët të jenë anëtar krenar dhe banor të unionit. Shpërblim është të jenë më të pasur e s’do jetë shkas asgjë që ne të kthehemi pas në kohën e izolimit e në kohën kur nuk dinim se çfarë na priste të nesërmen.”- tha Kovaçevski.
Në konferencën për shtyp, kryeministri Edi Rama tha se takimi mes 2 qeverive ka qenë mjaft intesive, teksa foli edhe për integrimin e 2 vendeve në BE. Rama tha se do ishte e pafalshmë nëse për shkak të politikave të brendshme të Maqedonisë se Veriut, të ndalej rruga drejt Unionit.
“Mbledhja ishte një proces ndërveprimi intesiv, sa i takon projektit të Portit të Thatë ta marrë përsipër qeveria shqiptare, takohemi në një moment sfidues për të gjithë Europës, krahun perëndimor të Rusisë, inflacioni dhe rritja e çmimeve po përdoren nga Putin për të destabilizuar Europën, sa më shumë të punojmë së bashku, ta shohim të ardhmen si destinacion të përbashkët mund t’i përballojmë më mirë këtë gjë, kemi hedhur themele shumë të forta për të ndërtuar një të ardhme të përbashkët në respektit të lirive dhe të drejta të njerëzve tanë, por edhe një e ardhme e mirëqenë e gjeneratës tjetër. kanë qenë Marrëdhëniet tona bilaterale mil kurrë më mirë
Fati e desh që të bashkohemi në dhimbje për një periudhë të gjatë për ne, por edhe për ju që të na njihej merita dhe e drejta për të filluar bisedimet për anëtarësim, për ju ka qenë më e vështirë, por dhe për ne nuk ka qenë e lehtë. Tani ndryshimet në Kushtetutë të kërkuara për Maqedoninë e Veriut, drejtësia dhe patriotizmi i shtirur mund t’ju kthejë në arsye për t’u përçarë mes vetit, ndërkohë që ky vend ka nevojë për të vrapuar si gjithë vendet e tjera, Kushtetuta juaj ka një sërë minoritete të përcaktuara që do të thotë që është një model i njohur dhe që duhet plotësuar, nuk e di sa ndihmon, por ne kemi një model tjetër, ama ne kemi njohur në parlament një numër jo të vogël minoritetesh, përfshirë edhe atë Bullgar, që e ka një prezencë të saj dhe nuk më duket se jemi të kërcënuar nga ndonjë minoritet, janë ura lidhëse, dhe për ne është absolutisht në interesin tonë, jo në interesin e tyre që të ndihen sa më mirë në vendin tonë dhe të mos ndejnë asgjë nga qytetarët me kombësi shqiptare, populli këtu është më i mençur se politikanët dhe nuk besoj se do ia fal kujt ligësinë e rimarrjes peng të Maqedonisë së Veriut, ndërkohë që kapërcimi është epokal. S’dua ta mendoj që Maqedonia e Veriut mund të kthehet në të shkuarën dhe të izolohet kur është ringritur dhe ka fituar një dinjitet të rëndësishëm kombëtar”, tha Rama.
Kryeministri i Maqedonisë së Veriut, Dimitar Kovaçevski u shpreh se marrëdhënia e Shqipërisë dhe Maqedonisë së Veriut janë shembulli i vërtetë i marrëdhënieve të shëndosha dhe cilësore. Kovaçevski u shpreh se
Me punën dhe bashkëpunimin mes dy vendeve, Kovaçevski theksoi do të arrijnë të sigurojnë një përballim të krizës për qytetarët dhe përballimin e dimrit të vështirë.
"Edhe pse nuk është e lehtë, ju Edi dhe delegacioni juaj na dhatë mbështetjen e fortë. Disa se besonin, por sot, të dy vendet këtu me negociata shumë shpejt po dyshojmë drejt Evropës. Është e vërtetë se së bashku mund të bëjmë shumë më tepër. Maqedonia e Veriut dhe Shqipëria janë shembulli i vërtetë sesi krijohen marrëdhëniet fqinjësore. Sot kalojmë problematikat aktuale të krizës energjetike, si dy vende anëtare në NATO dhe partnere me SHBA.
Ne punën dhe lidershipin e kemi dhe jam i bindur që për të gjithë qytetarët të sigurojmë të kalojë sa më lehtë krizën dhe të kenë një dimër sa më pak të ashpër. Seanca ndërqeveritare mbaro pak më herët ne firmosëm marrëveshje dhe memorandume për sektorin kryesisht të energjisë. Ne sot e më vonë, kemi mundësi unike për përballimin e krizës.”- tha Kovaçevski.
Kryeministri Kovaçevski, u shpreh se qëllimi i Shqipërisë dhe i Maqedonisë së Veriut është anëtarësimi në BE ndërsa theksoi se kjo do të arrihet përmes bashkëpunimit dypalësh.
“(...) Ne jemi shumë krenar me një përkatësi turke, shqiptare, romë etj, jemi model i suksesshëm dhe i konfirmuar në Evropë. Angazhimi në BE është një motiv strategjik i vendit tonë derisa të bëhemi anëtarë të plotë në BE.”- tha Kovaçevski.
Komente
Lajme të tjera
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Çiklizëm/ 'Giro d’Italia' 2025 fillon nga Shqipëria me tre etapa, Rama: Garohet në Tiranë, Durrës dhe Vlorë! Ndiqet nga 800 milionë njerëz (Itinerari)
23 Dhjetor, 13:07 -
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21
/OPEN BALKAN/ ne nje fare menyre ka filluar shume me heret.Ju kujtohen takimet nder-ballkanike pas 85' e me vone? Ne ate kohe moren pjese dhe shtete si Rumania,Bullgaria.Lufta civile ne Jugosllavi dhe ndryshimi i sisteme ne disa shtete ballkanike dhe ne Evropen lindore ne pergjithesi frenoi cdo gje.Tani eshte koha te rifillohet aty ku mbeti dhe fakti qe Greqia,Turqia,bile dhe Italia kane treguar interes per pjesemarrje,tregon qe jemi ne rrugen e duhur.Le te ftohen dhe ballkanasit e tjere dhe le t'i tregojme botes qe jemi ne gjendje te bashkepunojme e te bashkejetojme me njeri-tjetrin.
PërgjigjuOpen balkani serborus ështé i initiativ për shkatrrimin e Kosovës dhe daljen e serbis fashiste në Adriatik nga Durrësi që serbia e quan Durrësin të tyre me emrin “ Drač “ Edvin shkjau shqipfolës nuk ështé km shqiptarë po ështé Tradhtar i këti shekulli
PërgjigjuVetem ne europe e kemi rrugen
PërgjigjuKy kryeminister po qe i ka synimet e qarta
PërgjigjuNe kohen qe ndodhemi bashkpunimi eshte gjeja kryesore qe duhet te kemi dhe open balkan e deshmon me se miri kete gje
PërgjigjuShpresojm qe kjo marveshje te mbaroj sa me shpejt pasi do te sjell dhe mjaft benefite
PërgjigjuHajt ishalla vetem lajme te mira marrim
PërgjigjuBashkpunimi ne kete kohe eshte gjeja me e mire
PërgjigjuShpresojme qe te zbatohet sa me shpejt marrveshja e open ballkan , per arsyen kryesore te levizjes se lire te mallrave.
PërgjigjuNe periudhen ne te cilen ndodhemi e vetmja zgjidhje eshte bashkepunimi kshuqe vazhdoni sic e keni nisur
Përgjigju