POP 5

Lajmet më të lexuara të 5 minutave të fundit

Bota

Përhapja në masë e variantit Delta, SHBA paralajmëron qytetarët e saj për të mos udhëtuar në disa shtete

Në një kohë kur infeksionet nga Varianti Delta janë rritur dukshëm, Shtetet e Bashkuara kanë deklaruar se nuk planifikojnë të heqin kufizimet e udhëtimit

Në një kohë kur infeksionet nga Varianti Delta janë rritur dukshëm, Shtetet e Bashkuara kanë deklaruar se nuk planifikojnë të heqin kufizimet e udhëtimit

Vendimi nënkupton që kufizimet aktuale të udhëtimeve të cilat kufiozojnë hyrjen për disa shtete të zonës e Shengenit , Mbretërisë së Bashkuar dhe vendet e tjera do të qëndrojnë.

Në anën tjetër edhe qendra amerikane për Parandalimin dhe Kontrollin e Sëmundjeve në Shtetet e Bashkuara dhe Departamenti amerikan i Shtetit, kanë lëshuar paralajmërime kundër udhëtimeve në Spanjë, Portugali, Qipro dhe Kirgizi, për shkak të rritjes së numrit të të infektuarve me koronavirus në këto vende.

Në qershor të këtij viti, Qendrat amerikane për Parandalimin dhe Kontrollin e Sëmundjeve, kanë hequr paralajmërimet për udhëtime në më shumë se 110 shtete dhe territore, mirëpo teksa rastet e të infektuarve rriten, paralajmërimet janë rikthyer.

Për të vënë nën kontroll përhapjen e variantit Delta, po bëhen përpjekje për të vaksinuar amerikanët.

New York njoftoi se do t'u kërkonte punonjësve ose të vaksinohen kundër koronavirusit ose do të përballen me teste të përditshme.

Ndërsa Departamenti amerikan për Çështje të Veteranëve është bërë agjencia e parë e madhe federale në SHBA, që u ka kërkuar punëtorëve të saj shëndetësorë të marrin vaksinat kundër koronavirusit, teksa varianti ngjitës Delta, përhapet në këtë vend.

Kërkesa e Departamentit amerikan për Çështje të Veteranëve ka ardhur në ditën kur gati 60 organizata të shëndetit publik, kanë bërë thirrje që institucionet shëndetësore t’iu kërkojnë punëtorëve të tyre që të vaksinohen.

Rreth 115,000 punëtorët shëndetësorë të këtij Departamenti, do të kenë tetë javë për t’u vaksinuar plotësisht, mirëpo ende nuk është e qartë se çfarë do të ndodhë për punëtorët që refuzojnë imunizimin.

Në Shtetet e Bashkuara nuk ka ligj federal që përcakton se punëdhënësit mund t’iu kërkojnë punëtorëve, që janë fizikisht në vend të punës, të vaksinohen.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça