Aksident tragjik në Tepelenë, Benzi me shpejtësi përplas dy makina, 4 të vdekur! Mes viktimave një çift! Dy të plagosur rëndë (EMRAT + VIDEO)

TEPELENE- Katër persona ndërruan jetë në një aksident të rëndë që ndodhi mbrëmjen e së dielës 17 mars 2024, në aksin rrugor Tepelenë-Memaliaj.

Gazetari i Report Tv Piro Nase raporton se makina tip Mercedes Benz që po lëvizte me shpejtësi jashtë normave të lejuara nën drejtimin e Riza Rrapa humbi kontrollin dhe si pasojë u përplas me dy automjete të tjera që po lëviznin në drejtim të kundërt me të.

Nga përplasja e fortë viktimë mbeti vetë Rrapa dhe 3 anëtarë të një familjeje që ndodheshin në makinën tip Toyota, konkretisht Lavdosh dhe Lefteri Begaj, burrë e grua dhe Afërdita Begaj.  E moshuara 90 vjeçare Afërdita Begaj vdiq në momentin e përplasjes, dy të tjerë ndërruan jetë rrugës për në spitalin e Gjirokastrës dhe një i katërt humbi jetën sapo hyri në sallën e operacionit. 

Të plagosur në gjendje të rëndë kanë mbetur Lavdie Meta dhe Jani Meta të cilët ndodheshin në makinën e tretë që u përfshi në aksident. Të dy janë transportuar fillimisht për në Spitalin e Gjirokastrës për t’u trajtuar, por më pas janë nisur drejt Tiranës pasi ndodhen në gjendje të rëndë shëndetësore.

Sipas verifikimeve të para nga ana e Policisë Rrugore bëhet e ditur se shkaktuar i aksidentit ka qenë Riza Rrapa që drejtoi Benzin me shpejtësi tej normave të lejuara duke bërë që të humbë kontrollin, por ka ndikur ka qenë lagështia në rruge si pasojë e shiut.

Report TV ka mësuar se Benzi ka ardhur me shpejtësi të lartë dhe pasi ka bërë disa rrokullisje ka përplasur dy mjetet e tjera që duken të shkatërruara.

Bilanci i aksidentit 
Të vdekur 

Riza Rrapa 42 vjeç, nga fshati Luftinjë
Lavdosh Begaj  62 vjeç
Lefteri Begaj 57 vjeç, gruaja e Lavdoshit
Afërdita Begaj rreth 90 vjeç e ëma e Lavdoshit
Të plagosur
Jani Meta rreth 60 vjeç
Lavdie Meta, 61 vjeç

 

Rendit zhvillimet sipas orarit:
Ora 23:30
Dalin FOTOT, kush janë tre nga viktimat e aksidentit tragjik në Tepelenë

1710744610_aksidentitepelene.jpg

Riza Rrapaj dhe çifti i bashkëshortëve Lavdosh dhe Lefteri Begaj

Një aksident tragjik u mori jetën 4 personave në Tepelenë. Mes viktimave, ishte edhe çifti i bashkëshortëve, Lavdosh dhe Lefteri Begaj. Report Tv ka siguruar foton e tyre.

Po ashtu, Report Tv sjell edhe foton e një prej viktimave, Riza Rrapaj. Ky i fundit ishte drejtuesi i mjetit tip Benz, i cili po lëvizte me shpejtësi dhe u përplas me dy makinat e tjera.

Riza Rrapaj bashkë me tre personat që po udhëtonin në mjetin tip Toyota humbën jetën, ndërsa dy të tjerë janë në gjendje të rëndë në spitalin e Traumës në Tiranë.

Ora 21:36
Kjo është familja që u shua në aksidentin tragjik në Tepelenë! Identifikohen katër viktimat dhe të plagosurit

1710708133_tepelen.jpg

Lavdosh dhe Lefteri Begaj, burrë e grua dhe e afërmja e tyre Afërdita Begaj 90 vjeçe janë tre prej viktimave të aksidentit tragjik në Tepelenë. Të tre ndodheshin në makinën tip Toyota që u përplas nga Benzi, i drejtuar nga Riza Rrapa i cili po ashtu ndërrroi jetë. Të plagosur në gjendje të rëndë kanë mbetur Lavdie Meta dhe Jani Meta.

Ora 21:04
Aksidenti tragjik në Tepelenë, reagon ministri Balla

1710705442_aksidentigjirokaster.jpg

Foto: Aksidenti tragjik ne Tepelene, 17 mars 2024

Ministri i Brendshëm Taulant Balla shprehu pikëllimin për aksidentin e tragjik të ndodhur mbrëmjen e sotme pranë Tepelenës.  Balla kërkoi forcimin e kontrolleve nga policia rrugore si forcë parandaluese

"I pikëlluar për humbjen e katër jetëve dhe dy të plagosur në aksidentin tragjik të natës së sotme pranë Tepelenës. Zbatimi i rregullave të qarkullimit rrugor nga përdoruesit e rrugës është detyrim ligjor e përgjegjësi ndaj jetës. Ndërsa Policia Rrugore duhet të rrisë edhe më shumë kontrollet dhe forcën parandaluese' shkruan Balla.

Ora 20:55
Emri i një prej viktimave të aksidentit në Tepelenë, Riza Rrapaj shkaktoi tragjedinë, përplasi me Benz dy makina

1710705503_makina.jpg

Riza Rrapa nga fshati Izvor Memaliaj është një prej viktimave të aksidentit tragjik në Tepelenë. Ai po udhëtonte me mjetin Mercedez Benz kur si pasojë e shpejtësisë ka dalë nga rruga dhe ka përplasur dy makina të tjera.

Ora 20:50
Detaje/ Si ndodhi aksidenti me katër viktima, makina me shpejtësi rokulliset dhe merr përpara mjetet e tjera

1710703553_aksidentgjirokaster.jpg

Një prej makinave është bërë shkak për aksidentin me katër viktima në Tepelenë. Gazetari i Report tv Piro Nase, bën me dije se mjeti ka ardhur me shpejtësi shumë të lartë dhe pasi ka bërë disa rrokullisje ka përplasur dy mjetet e tjera. Krahas shpejtësisë një tjetër faktor ka qenë dhe lagështira në rrugë.

Ora 20:25
Pamje të rënda nga aksidenti me katër viktima në Tepelenë, makinat të shkatërruara

 

Report Tv sjell pamje nga aksidenti i rëndë me katër viktima që ka ndodhur në aksin rrugor Tepelenë-Memaliaj. Siç shihet në pamje tre makinat janë shkatërruar nga përplasja.

B.K/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Pronat shtetërore mund të shkëmbehen me private, si e vlerësoni ligjin?



×

Lajmi i fundit

Sulmohen me gurë 2 autobusë me tifozë të Skënderbeut, nga Tirana po ktheheshin në Korçë! Thyhen xhamat (FOTO)

Sulmohen me gurë 2 autobusë me tifozë të Skënderbeut, nga Tirana po ktheheshin në Korçë! Thyhen xhamat (FOTO)