Sa fëmijë ka Fshati SOS?
Në Fshatin SOS ka gati 80 fëmijë që qëndrojnë aty, nga mosha 0 deri në 14 vjeç. Pas moshës 14 vjeç ata kalojnë në komunitetet rinore. Në këto komunitete ata përgatiten për të krijuar një jetë të pavarura pas moshës 18 vjeç.

Çfarë ndodh me fëmijët e këtij fshati pas moshës 18 vjeç?
Pas moshës 18 vjeç të rinjtë kalojnë në një periudhe 3 vjeçare gjysmë pavarësie, çka do të thotë që një pjesë të kontributit e jep vetë personi, një pjesë e jep Fshati SOS. Pas moshës 21 vjeç, ata kujdesen për të në ecurinë e shkollës, i ndihmojnë të gjejnë punë. Edhe pas moshës 18 vjeç dhe asaj 21 vjeçare fëmijët e Fshatit SOS mbajnë lidhje të vazhdueshme me personat që i kanë ndjekur.