POP 5

Lajmet më të lexuara të 5 minutave të fundit

Arkiva

Pyjet, Berisha: Do t’i privatizojmë
Është standard që na kërkon BE

Në vlerësimin e kreut të ekzekutivit është shumë e rëndësishme përcaktimi sa më parë i sipërfaqeve pyjore, të cilat do të mbeten publike. “Qeveria nuk do të mund të ketë më shumë se 10 % të pyjeve”, tha ai në takimim me strukturat përkatëse.
TIRANË – Pyjet dhe kullotat në të gjithë vendin brenda këtij viti do të kalojnë në pronësi të sipërmarrësve privatë. Sipas kryeministrit Berisha, ky vit që sapo ka nisur do të gjejë Shqipërinë si një ndër vende me pronësinë më të ulët në Europë. Në funksion të marëvajtjes së këtij procesi sot u zhvillua takimi me pjesëmarrjen e ministrive dhe institucioneve të ngarkuara për zbatimin e procesit të transferimit të pyjeve dhe kullotave në varësi të pushtetit vendor, me qëllim përshpejtimin dhe realizimin me sukses të tij procesi. Në vlerësimin e kreut të ekzekutivit është shumë e rëndësishme përcaktimi sa më parë i sipërfaqeve pyjore, të cilat do të mbeten publike.
“Qeveria nuk do të mund të ketë më shumë se 10 % të pyjeve. U takon ju, së bashku me institucionet e varësisë të përzgjidhni këtë 10 % se cila do të jetë, por më shumë se kaq nuk mund të administrojë. Ky është një standard kudo në vendet e BE. Ky standard është që pyjet u përkasin komunave dhe bashkive”, vuri në dukje kryeministri Berisha.
Gjithashtu, nisur nga fakti se çdo sipërfaqe toke në vendin tonë mund të shfrytëzohet për mbjellje, Kryeministri theksoi se duhen bërë të gjithë përpjekjet për të zhvilluar konceptin e pyjeve me drurë frutorë. “Duhet të përpiqemi të zhvillojmë konceptin e pyjeve me drurë frutorë. Ky koncept dora-dorës po merr zhvillim dhe në botë. Kjo metodë pyllëzimi po fiton gjithnjë e më tepër të drejtën e qytetarësisë. Ne do të bëjmë gjithçka, që ku të mbillet të prodhohet”, u shpreh Berisha.

(aq/shqiptarja.com)

/Shqiptarja.com
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Aktivitetet Kulturore/ Koncerti ‘Trëndafilin kur ta dhashë’ në TKOB, drama ‘Dhelprat e Vogla’ në skenën e Teatrit Metropol

Aktivitetet Kulturore/ Koncerti ‘Trëndafilin kur ta dhashë’ në TKOB, drama ‘Dhelprat e Vogla’ në skenën e Teatrit Metropol

24 Janar, 12:14 nga Blerina Goce