POP 5

Lajmet më të lexuara të 5 minutave të fundit

Qasja e SHBA-ve ndaj 'Open Balkan', ambasadori amerikan në Serbi 'shuan' dyshimet: E përkrahim veçanërisht nga të tjerat

Nisma e 'Open Balkan' nxiti dyshimet e përkrahjes nga ana e SHBA-ve si një formë alternative ndaj anëtarësimit në BE. Dyshime të tilla, i rrëzoi kryediplomati amerikan në Serbi, Christopher R. Hill

Qasja e SHBA-ve ndaj 'Open Balkan', ambasadori amerikan në Serbi 'shuan' dyshimet: E përkrahim veçanërisht nga të tjerat

Ambasadori i SHBA-ve në Serbi, Christopher R. Hill

Nisma e 'Open Balkan' nxiti dyshimet e përkrahjes nga ana e SHBA-ve si një formë alternative ndaj anëtarësimit në BE. Dyshime të tilla, i rrëzoi kryediplomati amerikan në Serbi, Christopher R. Hill.

Ambasadori u shpreh se SHBA-të mbështesin përpjekjet për integritetin rajonal në tërësi, e aq më tepër brenda në rajon.

 “Së pari, SHBA-të mbështesin përpjekjet për integrim rajonal në përgjithësi dhe, veçanërisht, një përpjekje që po zhvillohet brenda në rajon dhe është shumë më përpara se disa të tjera përpjekje”, ka qartësuar ai në një konferencë për media, pas kthimit nga Ohri, ku u mbajt mbledhja e liderëve të Open Balkan.

“Qartësisht Open Balkan është i fokusuar në aktivitet ekonomik, por gjithashtu është i fokusuar në sjelljen e Rajonit së bashku dhe zhvillimin e shtigjeve për bashkëpunim mes vendeve”, shtoi Hill.

“Nëse mendoni për faktin që ka kaq shumë kufij në Ballkan dhe, në fund, kur kaloni në kufirin evropian, mund të shkoni deri lart në Suedi pa asnjë ndërprerje, prandaj duhet të ketë shumë më pak ndërprerje në Ballkan. Kufijtë do të duhej t’i bashkonin shtetet e jo t’i ndanin”.

Megjithatë, Hill është ngutur për ta bërë të qartë se Open Balkan nuk është një alternativë ndaj anëtarësimit në Bashkimin Evropian për këto shtete, sepse, po të konsiderohej ashtu, ai vetë nuk do ta merrte parasysh fare.

“Është vërtet ide e mirë. Por, pyetja që shqetësonte, ishte nëse Open Balkan është ndonjë lloj alternative ndaj anëtarësimit në BE dhe struktura të tjera euro-atlantike. Dhe, më lejoni të them, këtu flas personalisht, do të kisha zero interes në Open Balkan nëse në ndonjë mënyrë do të konsiderohej alternativë për BE-në”.- u shpreh ambasadori ndër të tjera

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56