Receta

Qebap në tavë me patate nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 4 Tetor 2023, 12:02 | Përditesimi: 4 Tetor 2023, 12:04

Qebap në tavë me patate

Përbërësit:

700 gr mish i grirë
1 qepë
1 vezë
1 lgj miell / galetë
1 kg patate
3 domate në rende ose salcë pure
Vaj ulliri
Gjethe dafine
Spec i kuq pluhur
Kripë, piper i zi
Erëza sipas shijes

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Në masën e mishit hedhim qepën e grirë në rende, kripë, piper, 1 lugë miell ose galetë, vegetë, specin e kuq pluhur dhe një vezë. Me këtë masë përgatisim qebapët. Patatet e qëruara i presim në shkopinj dhe i marinojmë me erëza sipas shijes. I vendosim në tavë të lyer me vaj ulliri, mund të shtojmë dhe disa copëza gjalpë. E mbulojmë tavën me letër pjekje dhe e vendosim në furrë të nxehtë derisa patatet të piqen. Ndërkohë qebapët i skuqim në vaj të nxehtë për 2-3 minuta, më pas i vendosim në tavën me patate duke shtuar sipër dhe purenë e domateve. E rivendosim tavën përsëri në furrë edhe për 10 minuta.

MC/Shqiptarja.com

TAG: