Duke u ndalur te pika për dekriminalizimin e Parlamentit, socialisti Qefalia u shpreh se sado i rreptë që të jetë ligji nuk do të mund të ketë fuqi prapavepruese, pasi deputetët aktualë janë zgjedhur konform ligjit dhe Kushtetutës.
Rezoluta për dekriminitalizimin do të shërbejë për zgjedhjet e reja, për të mos lejuar kreun e partisë apo strukturat që të fusim si kandidatë njerëz të inkriminuar. Zgjedhjet për në Kuvend janë bërë sipas Kushtetutës dhe ata deputetë kanë zënë vend, nuk largohen. Sado i fuqishëm të jetë ligji, nuk do të ketë fuqi prapavepruese.”-tha deputeti Xhemal Qefalia.
Ndërkohë Qefalia e ka cilësuar si të pakuptimtë kërkesën tjetër. të PD për mos përdorimin e 84 votave nga ana e mazhorancës për ligjet që kërkojnë 3/5 e votave, kjo pasi sipas tij në krye të shtetit është një president i cili është votuar me 71 vota.
Qefalia: Viti i ardhshëm, preket Sistemi i Drejtësisë
Duke paralajmëruar reforma të shumta vitin e ardshëm, Qefalia vuri theksin te sistemi i drejtësisë, i cili do të jetë sipas tij thelbësorja.
“Viti i ardhshëm vendimtar,do të preket reforma për Sistemin e Drejtësisë. Do të kërkohet edhe kompromisi i Opozitës. Reformat janë të shumanshme, kemi reformën e pensioneve. Do ketë një vit sfidash që do të jenë të konkretizuara. Kërkohet përgatitja e kuadrit ligjor të nevojshëm.”- tha socialisti Xhemal Qefalia.
Qefalia: Qëndrimi i opozitës për Reformën Territoriale, i paqartë
Të paqartë, e la cilësuar deputeti socialist Xhemal Qefalia qëndrimin e opozitës për Reformën territoriale, pasi fillimisht kërkon që të zbatohen me përpikëri vendimet e gjykatave, ndërkohë që deklaron se nuk do të njohë këtë reformë të pranuar edhe nga Gjykata Kushtetuese.
“Ende e paqartë qëndrimi i opozitës, kërkon zbatimin e të gjitha vendimeve të Gjykatave. Ndërkohë që vendimi i Gjykatës Kushtetuese për Reformën e administratës të cilën lidershipi i PD deklaron se nuk do ta pranojë kurrë këtë ndarje. Divergjencat e opozitës, mesa duket nuk e kanë pranuar akoma se janë në opozitë.”- u shpreh deputeti Qefalia.
Qefalia: Aksioni i energjisë, njerëzit po ndërgjegjësohen, OSHEE të përgjigjet para qytetarëve
Gjatë intervistës në A1 Report deputeti Qefalia u pyet edhe për aksionin e energjisë që është ndërmarrë nga ana e policisë dhe OSHEE-së. Duke bërë një krahasim me masat për vendosjen e rregullave të qarkullimit rrugor, Qefalia tregon se njerëzit janë ndërgjegjësuar duke rritur ndjeshëm shlyerjen e detyrimeve ndaj OSHEE.
“Është krijuar përshtypja se është krijuar një luftë e hapur ndaj qytetarëve. Kështu u nis edhe për vendosjen e rendit dhe qarkullimit në Tiranë, me vendosjen e gjobave. Kam biseduar me Tahirin e dhe rezulton se numri i gjobave ka ardhur duke rënë çka tregon ndërgjegjësimin e qytetarëve. E njëjta gjë edhe për energjinë, sot ka më tepër qytetarë që paguajnë, është rritur ndjeshëm shlyerja.”- tha !efalia.
Më tej ai theksoi se OSHEE duhet që përveçse të kërkoj pagesën e tarifave duhet gjithashtu të përgjigjet për dëmet që u kërkohen qytetarëve.
Redaksia Online
(a.h/shqiptarja.com)