Qefalia për A1 Report: SHISH me
informacione të dobëta mbi krimin

TIRANE - Deputeti socialist Xhemal Qefalia, shprehet se ka konstatime se Shërbimi Informativ shtetëror, ka dhënë informacione shumë të dobta, në lidhje me gjendjen e rendit public, dhe shpërthimeve. Qefalia duke dhënë një intërviste për A1 Report, deklaron, se komisioni posacëm parlamentar do të kontrolloj SHISH për zbatimin e ligjit, dhe për pjesën që ka të bëjë me urdhërin për të përgjuar drejtuesit e policisë, do të fillojë punen javën që tjetër.

Por nga informacionet paraprake, është e qartë se SHISH ka dhënë informacione vetëm pas reagimit të ministrit të brëndshëm.

“Dua të them që pas bërjes prezent nga ministri i brendshëm për mungesë informacioni lidhur me problematikat e rendit në Shqipëri, ka pasur një fluks të madh informacionesh, por informacionet nuk janë të vlefshme vetëm duke siguruar sasi. Informacionet janë të rëndësishme kur brenda tyre ka elementë të cilët ndikojnë drejtpërdrejt në përmirësimin e rendit. Me dy fjalë dua të them nëse ka patur një numër të madh informacionesh, ndoshta dhe të tejkaluara, por cilësia e tyre vlen për të dëshiruar.” tha deputeti Qefalia

Për Qefalinë informacionet e dhëna nga deputeti Flamur Noka, pas raportimit të kreut të SHISH Visho Ajazi Lika në komisionionin e sigurisë, janë tërësisht të pavërteta dhe speculative. Qefalia i lëshon një tjetër apel opozitës ti bashkohet këtij komisioni, që në thelb do kërkojë vetëm zbatueshmërinë e ligjit.
 
“Informacioni dhe deklarat e zotit Noka është disinformim i plotë që i bëhet opinionit publik. Të dalësh dhe të thuash për një mbledhje që është e zhvilluar me dyer të mbyllura dhe pa prezencën e medias dhe disinformosh opinionin e gjerë publik është vërtetë nonsens dhe diçka jo serioze. Absolutish nuk ka asgjë të vërtetë në atë që thotë Noka.” përfundoi deputeti i PS.

Redaksia Online
(e.c/shqiptarja.com)

/Shqiptarja.com

TAG:
• visho ajazi lika