THETH- Një 24-vjeçar është arrestuar nga policia për shkak se mbrëmjen e djeshme ka qëlluar me breshëri kallashnikovi në ajër duke shkaktuar panik tek banorët dhe turistët që ndodheshin në zonë.

Së bashku me 24-vjeçarin K.H që ishte banues po në Theth, policia ka sekuestruar edhe armën e zjarrit automatike të cilën autori e kishte hedhur në një shkurre për ta fshehur. Ka qenë vetë 24-vjeçari i cili me pranga në duar ka treguar vendin ku kishte hedhur armën me të cilën qëlloi në ajër. 

Për arrestimin e tij kanë ndihmuar edhe banorët e zonës, ndërkohë i riu do të akuzohet për armëmbajtje pa leje dhe prishje të qetësisë publike.