Qëlloi pronarin e shkollës private në Tiranë te Liqeni i Thatë gjatë kohës që po udhëtonte me makinë, kapet pas tre muajsh autori

TIRANË-Tre muaj pas atentatit të dështuar ndaj drejtorit të shkollës “Wilson”, Lulëzim Masha, pranë Liqenit të Thatë në Tiranë, është vënë në pranga një 31-vjeçar. Pas hetimeve që kanë zgjatur për disa javë, policia ka identifikuar me prova dhe dëshmi përfshirjen e Skerdi Tasit në ngjarje, ku tashmë i riu është arrestuar. Ai akuzohet për dy vepra penale, “vrasje me paramendim e mbetur në tentativë” dhe “mbajtje pa leje dhe prodhim të armëve, armëve shpërthyese dhe municionit”.

31-vjeçari qëlloi me 3 plumba në drejtim të automjetit tip “Mercedez Benz ML”, ku Lulëzim Masha po lëvizte, dy prej plumbave kapën në makinën e 63-vjeçarit.

Administratori i shkollës “Wilson” kishte vetëm pak minuta që ishte larguar nga ambientet e punës dhe krejt i vetëm po zbriste nga Kodrat e Liqenit Artificial. Fillimisht biznesmeni nuk pranoi të bashkëpunoj me policinë për zbardhjen e ngjarjes, por në marrjen e dytë në pyetje ndryshoi mendje, duke treguar se kishte hasur një person që e kishte ndjekur edhe pranë ambienteve të shkollës.

Identifikimi i autorit u bë pas këqyrjes së kamerave të sigurisë në disa zona të ndryshme rreth e përqark Liqenit Artificial dhe dëshmisë së disa personave që u ndodhën aty kur ngjarja ndodhi. 

TAG:
• Tirane
• lulezim masha
• atentat lulzim mashes
• liqeni i thate
• skerdi tasi