POP 5

Lajmet më të lexuara të 5 minutave të fundit

Sociale

Qendra e te sëmurëve, pacientët:
S’ka dhunë, punonjësit: Manipulime

Një ditë pas publikimit të skandalit në media se të sëmurët mendor dhunohen në Qendrën e Zhvillimit në Shkodër, punonjësit e kësaj qendre dhe pacientët rrëfejnë të kundërtën. Ata deklarojnë se pamjet janë të manipuluara, ndërkohë që në këtë godinë, ambiente që tregohen në ato pamje nuk ekzistojnë.  VIDEO
Qendra e te sëmurëve, pacientët:<br />S’ka dhunë, punonjësit: Manipulime
Pacientët e Qendrës së së sëmurëve mendor në Shkodër hedhin poshtë akuzat për përdorim dhune brenda saj, ndërkohë që punonjësit e saj thonë se pamjet e publikuara në media janë montime.

Ndërkohë edhe pamjet e brendshme, apo të paktën ato ambiente që frekuentohen nga  këta pacientë janë në kushte optimale për të strehuar dhe tu shërbyer këtyre personave. Siç duken edhe nga pamjet, si dhomat e ndenjes ashtu edhe ambientet e përbashkëta janë të rikonstrktuara dhe të arreduara në mënyrë bashkohore.

Nga ana tjetër vetë pacientët e kësaj qendre mohojnë të jenë dhunuar nga stafi apo të jenë keqtrajtuar.

“Këtu kushtet janë shumë të mira. Ne nuk na kanë dhunuar” tha një pacient. Ndërsa një tjetër shtoi se, “Me të thënë të drejtën na trajtojnë mirë dhe mund të them se këto punonjëset shërbejnë dhe i trajtojnë mirë fëmijët”.
 
Ndërsa fizioterapistja e këtij institucioni akuzon për manipulim provash e faktesh. Vera Macurreli shprehet se këto pamje janë manipuluar prej ish-punonjësit të shkarkuar prej dy vitesh. Dhe nëse ato pamje kanë ndodhur, atëherë ai është përgjegjësi për to.

“Kam mbetur e shokuar, nuk ekzistojnë ambientet që të ketë lidhje prangash e hekurash. Përgjegjësi i sektorit që ka qenë këtu ka dhënë këto pamje, nëse kanë ndodhur këto pamje, atëherë ai është përgjegjësi kryesor. Nëse ne kemi parë që të kenë ndodhur gjëra të tilla, kjo është e pafalshme” tha ajo.

Bashkia e Shkodres ka akuzuar ish- përgjegjësin e sektorit social Leonard Hilën për manipulimin dhe shpërndarjen e pamjeve që sipas saj janë të paverteta.

Nga ana tjetër sipas hetimeve të Prokurorisë, ka rezultuar se ndaj pacientëve me sëmundje të shëndetit mendor në këtë qendër është ushtruar dhunë sistematike. Gjithashtu, nga hetimi ka rezultuar se tre femra në moshë madhore, paciente në këtë Qendër, kanë qenë shtatzënë dhe kanë abortuar në mënyrë të paligjshme.

Redaksia Online
(F.T/shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zjarret në aeroplanët e transportit të mallrave, dyshohet se u organizuan nga Moska

Zjarret në aeroplanët e transportit të mallrave, dyshohet se u organizuan nga Moska

5 Nëntor, 22:12