POP 5

Lajmet më të lexuara të 5 minutave të fundit

Kronikë

Qendrat e Kontrollit Teknik të Automjeteve, Balluku: Do jenë në lartësinë e duhur, shërbim të shpejtë, korrekt dhe në ambiente pritëse dinjitoze

Ministrja e Infrastrukturës dhe Energjisë, Belinda Balluku ka vizituar nga afër investimin e nisur për rehabilitimin e një prej Qendrave të Kontrollit Teknik të Automjeteve në Tiranë.

Ministrja e Infrastrukturës dhe Energjisë, Belinda Balluku ka vizituar nga afër investimin e nisur për rehabilitimin e një prej Qendrave të Kontrollit Teknik të Automjeteve në Tiranë. Sipas ministres qendrat do të jenë model, jo vetëm duke ofruar shërbim cilësor e korrekt, por edhe me ambiente pritëse dinjitoze për qytetarët, e kushte optimale pune për punonjësit.

 “Jemi në një moment të ri. Nga njëra anë po lehtësojmë qytetarët, duke zgjatur afatin e certifikimit, çka çon automatikisht në përgjysmimin e çmimit për qytetarin, por jemi gjithashtu shumë më kërkues në kushtet për kolaudim”, tha ministrja Balluku. Ministrja Balluku u bëri apel drejtuesve të mjeteve që të respektojnë rregullat e qarkullimit në rrugë.

Kreu i DPSHTRR-së, Blendi Gonxhja vuri theksin tek përmirësimi i sistemeve, të cilat, tha ai, janë integrale, monitorohet në kohë reale çdo gjë dhe defektet regjistrohen e dokumentohen duke çuar kështu edhe në minimizimin e mitmarrjes. Po ashtu, theksoi ai, synojmë kalimin në “one stop shop” duke shtuar edhe shërbimet pa shtuar koston.

“Duam t’a kthejmë këtë pikë në një filtër të pastër, i cili do të bllokojë çdo grimcë parregullsie në automjete që më pas mund të kthehen në problematika për jetën e njeriut”, tha Gonxhja.

Kontrolli teknik i mjeteve, ose siç njihet kolaudimi, ka qenë një shërbim i ofruar përmes një koncesioni për gati 11 vite. Nga dhjetori i 2020-s ky shërbim i është rikthyer shtetit. Me kalimin e këtij shërbimi nga kompania koncesionare te shteti, qytetarët duhet të paraqiten një herë në 2 vite dhe jo çdo vit siç ishte më parë për të kryer kontrollin teknik të mjetit të tyre. Kjo çon automatikisht në përgjysmimin e tarifës.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Një sërë reflektimesh mund t'ju largojnë nga njerëzit që nuk e meritojnë më vëmendjen tuaj, horoskopi për sot

Një sërë reflektimesh mund t'ju largojnë nga njerëzit që nuk e meritojnë më vëmendjen tuaj, horoskopi për sot

24 Janar, 08:11