POP 5

Lajmet më të lexuara të 5 minutave të fundit

Kronikë

Qershi, pjeshkë e grurë/ Breshëri dëmton prodhimet dhe përmbyt Elbasanin, Balla: Si asnjëherë tjetër (VIDEO)

Reshje të dendura shiu dhe breshëri përfshinë disa fshatra dhe qytetin e Elbasanit sot pasdite. Stuhitë ishin aq të forta sa breshëri zbardhi vendin dhe dëmtoi mjaft të mbjella, vreshta, perime dhe dru frutorë.

Reshje të dendura shiu dhe breshëri përfshinë disa fshatra dhe qytetin e Elbasanit sot pasdite. Stuhitë ishin aq të forta sa breshëri zbardhi vendin dhe dëmtoi mjaft të mbjella, vreshta, perime dhe dru frutorë. Sipas raportimeve të ardhura nga fshatrat rezulton se kjo stuhi ka shkaktuar mjaft dëme në bujqësi për shkak se gjithçka tashmë ndodhet në fazën e pjekjes. Dëme të mëdha janë shkaktuar në fshatin Godolesh ku shiu dhe breshëri kanë dëmtuar plantacionet me qershi.

Sipas banorëve të fshatit, dëmi është i pallogaritshëm pasi ky është momenti kur qershitë vilen dhe dalin në treg. Por edhe në fshatra të tjerë raportohet se breshëri ka dëmtuar sera, parcela me të lashta dhe grurë, vreshta, pjeshka dhe drufrutorë. Pritet te ngrihet nga grup pune për llogaritjen e dëmeve. Rrebeshi i pa zakontë i shiut dhe breshrit ka bërë që të përmbytet edhe disa banesa dhe rruga në Krastë si pasojë e daljes nga shtrati të përroit të Manazeres.

Banorë nga kjo lagje e Elbasanit sjellin pamjet ku tregohet se si përroi i Manazeres nuk e ka përballuar dot me shtratin e tij përcjelljen e ujit për në lumë, por ka dalë prej tij dhe ka përmbytur rrugë dhe tokat përreth. Banorët mendojnë se hedhja e inerteve dhe papastërtive është shkaku kryesor i përmbytjes së rrugës në këtë zonë. Kryetari i grupit të PS-së, Taulant Balla dhe kandidati për kryetar bashkie i Elbasanit kanë vizituar zonat që janë prekur nga rebeshi dhe përmbytjet.

"Rreth orës 17.30 ditën e sotme një shi i dendur dhe breshër, si asnjëherë tjetër u shpreh një banor, goditi një pjesë të Elbasanit duke shkaktuar më pas përmbytje në Lagjen e 5 Majit. Janë të shumta familjet të cilat janë prekur nga niveli i lartë i ujit që në disa shtëpi shkon mbi 50 cm, duke dëmtuar orendi e pajisje elktro-shtëpiake.

Bashkë me Gledian Llatja, Kryetarin e Bashkisë Qazim Sejdini ishim në këtë lagje për të parë nga afër dëmet dhe fillimin e punës për normalizimin e situatës. Shtabi Emergjencës u ngrit, ndërkohë edhe Ministria e Mbrojtjes do të jetë pjesë e ndihmës" thotë Balla.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Dronë misteriozë shihen mbi tri baza amerikane në Britani

Dronë misteriozë shihen mbi tri baza amerikane në Britani

24 Nëntor, 07:41