POP 5

Lajmet më të lexuara të 5 minutave të fundit

Ekonomi

Qershori u kushtoi qytetarëve më
pak, çmimet e ushqimeve - 0.6%

Muaji qershor me sa duket sipas shifrave të publikuara nga INSTAT, ka qenë me i mirë për xhepat e konsumatorëve shqiptarë. Sipas shifrave që INSTAT ka publikuar për Indeksin e Çmimeve të Konsumit për muajin qershor, çmimet kanë shënuar një ulje për me 0.6 % krahasuar me muajin maj.
Qershori u kushtoi qytetarëve më<br />pak, çmimet e ushqimeve - 0.6%
TIRANE- Muaji qershor me sa duket sipas shifrave të publikuara nga INSTAT ka qenë më i mirë për xhepat e konsumatorëve shqiptarë. Sipas shifrave që INSTAT ka publikuar për Indeksin e Çmimeve të Konsumit për muajin qershor, çmimet kanë shënuar një ulje për me 0.6 % krahasuar me muajin maj.
 
Ndërkohë që sipas këtyre analizave, inflacioni në bazë vjetore për muajin qershor është në 2.3 përqind, ndërsa një vit më parë ndryshimi vjetor ishte 2.2 %, duke shënuar një rritje me 0.1%.
 
Kështu, gjatë muajit qershor, qytetarët kanë harxhuar më pak lekë për produktet ushqimore.
 
“Indeksi i grupit “Ushqime dhe pije jo alkoolike” shënoi një ulje prej 1.4 përqind. Ulja më e madhe prej 10.4 përqind vërehet në nëngrupin ”zarzavate përfshirë patatet”. Çmimet në nëngrupin ”fruta” shënuan një rritje prej 3.5 përqind, ku mund të përmendim rritjen e çmimit të limonave me 19.5 perqind, portokalleve me 16.0 perqind, etj. Ndërsa, Indeksi i grupit ”Pije alkolike dhe duhan” ka shënuar një ulje 0.2 përqind. Brenda këtij grupi çmimet e pijeve alkolike shënuan një rritje prej 0.1 përqind dhe çmimi i duhanit një ulje prej 0.4 përqind. Po kështu, Indeksi i grupit ”Veshje dhe këpucë” ka shënuar një ulje prej 1.2 përqind”, thuhet në njoftimin e INSTAT.
 
Po kështu, qytetarët kanë marrë shërbime më të lira në telekomunikacion, në transport gjithashtu, për shkak edhe të një uljeje që pësoi çmimi i naftës dhe benzinës në këtë periudhë.
 
“Indeksi i grupit ”Transport” ka shënuar një ulje prej 0.3 përqind. Brenda këtij grupi çmimi i naftës shënoi një ulje prej 0.7 përqind dhe çmimi i benzinës një ulje prej 0.4 përqind. Indeksi i grupit “Mallra dhe shërbime të ndryshme” ka shënuar një ulje prej 0.4 përqind, ulje kjo që ka ardhur si rezultat i uljes së tarifave të siguracionit të makinave”, vijon njoftimi.
 
Por gjatë muajit që lamë pas, rritje ka shënuar çmimi i ujit, qerave, dhe energjisë, për të cilët qytetarët kanë shpenzuar 0.4 % lekë më shumë karhasuar me muajin maj.
 
“Indeksi i grupit “Qera, ujë, lëndë djegëse dhe energji” shënoi një rritje prej 0.4 përqind ku mund të veçojmë rritjen e çmimit të qerave te banesave me 0.6 përqind si edhe uljen e çmimit të lëndëve djegëse me 0.4 përqind”, theksohet në njofitmin e INSTAT.

Redaksia Online
(e.s/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12