Britania filloi të zhvendosë sot disa emigrantë, duke i vendosur ata në platforma lundruese në brigjet e saj jugore, si pjesë e planeve për të kursyer fonde, duke u hequr mundësinë e dërgimit nëpër hotele të migrantëve që arrijnë në Britani me varka të vogla.
Kryeministri Rishi Sunak e ka bërë goditjen kundër emigracionit të paligjshëm një përparësi kryesore të qeverisë së tij, përpara zgjedhjeve të përgjithshme, që do të mbahen vitin e ardhshëm. Partia Laburiste e opozitës, momentalisht gëzon një epërsi të fortë në anketat e opinionit.
Në përpjekje për të penguar shtetas të huaj të hyjnë në Britani pa dokumente, qeveria po i zhvendos emigrantët në vende ushtarake të papërdorura, si edhe në ndërtesa lundruese trekatëshe gri, në Portland, ku mund të strehojë rreth 500 njerëz në më shumë se 200 dhoma gjumi.
Vendimi ka ndarë komunitetet lokale, me disa që e cilësojnë kushtet e strehimit për shtetas që vijnë nga vende si Iraku, Irani, Siria, Afganistani, ose Shqipëria, si çnjerëzore.
Të tjerë janë zemëruar nga ndikimi te shërbimet lokale dhe janë të shqetësuar nëse vendet ku do të strehohen migrantët do të bëhen objektiva për protesta.
Një person që ka njohuri për situatën tha se emigrantët e parë kishin filluar të arrinin sot në ndërtesën platformën lundruese, rreth mesditës, ndërsa të tjerë priten të mbërrinin më vonë gjatë ditës.
Më shumë se 50,000 azilkërkues po jetojnë në hotele në Britani pasi bënë pjesën e fundit të udhëtimit të tyre me gomone të vogla nga Franca. Qeveria thotë se hotelet kushtojnë 7.6 milionë dollarë në ditë.
Ministrja e Brendshme, Sarah Dines tha për televizionin ‘Sky Neës’ se dërgimi i migrantëve në zona ushtarake dërgon një mesazh se Britania do të ofrojë “strehimin e duhur, por jo luksoz” për të ardhurit në mënyrë të paligjshme./VOA
Në mars 2023, Britania mori 13,714 kërkesa për azil nga shtetas shqiptarë, 9,487 emigrantë erdhën me varka të vogla.
Ndërsa gjatë muajve të verës të vitit 2022 pati një rritje të mbërritjeve të shqiptarëve me anijeve të vogla dhe kërkesave për azil, këto u reduktuan më pas dhe në fillim të vitit 2023 duke rënë nën nivelet e parë në 2021, bëjnë të ditur shifrat e ministrisë së Brendshme.
Shumica e shqiptarëve që shkojnë me varka të vogla në Britani janë meshkuj.
Ndryshe nga shumica e kombësive të tjera që aplikonin për azil, shqiptarët kanë një shkallë të lartë të tërheqjes së kërkesave të tyre për azil. 84% e kërkesave të shqiptarëve që përfundonin në mars 2023 u tërhoqën, krahasuar me 18% për të gjitha kombësitë e tjera të kombinuara.
Zhvendosja e emigrantëve në platforma lundruese në brigjet e saj jugore si si pjesë e planeve për të kursyer fonde, duke u hequr mundësinë e dërgimit nëpër hotele është pjesë e planit të fundit të qeverisë për të ndaluar hyrjen në Angli përmes varkave të vogla
Po nga vijnë emigrantët që kërkojnë azil në Mbretërinë e Bashkuar?
Sipas një statistike të publikuar nga BBC, shqiptarët renditen të parët. Në vitin 2022, shtetasit nga Shqipëria ishin në krye të listës së vendeve që kërkonin azil në Britaninë e Madhe, me afro 16,000 persona, përfshirë personat në ngarkim. Dy të tretat e tyre mbërritën me varka të vogla.
Qeveria e quan Shqipërinë një vend të sigurt dhe ka paralajmëruar masa për të ulur këto shifra. Grupi i dytë më i madh, me pak më pak se 11,000 aplikime, erdhi nga Afganistani, i ndjekur nga Irani, Iraku dhe Siria.
Komente
Lajme të tjera
-
Britanisë i kërkohet të mos lejojë gruan e Bashar al-Assad të shkojë në Londër
24 Dhjetor, 15:23 -
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Britani/ U kap në shtëpi bari, 21-vjeçari shqiptar pranon rolin e kopshtarit (EMRI)
22 Dhjetor, 19:58 -
FOTO/ Mbreti Charles III në panairin e komunitetit në Britani, i mahnitur nga veshjet kombëtare shqiptare
22 Dhjetor, 15:36 -
Trump emëron të dërguarin e posaçëm në Mbretërinë e Bashkuar
22 Dhjetor, 09:28 -
Kontrabandoi 14 shqiptarë drejt Britanisë në një kamion bagëtish, arrestohet shoferi irlandez
20 Dhjetor, 11:12 -
Çmontohet organizata shqiptare që kontrabandonte drogë nga Belgjika drejt Britanisë, mbi 30 kontrolle banesash dhe disa të arrestuar
18 Dhjetor, 18:49 -
Fiton lotarinë kombëtare, britaniku me pasuri më të madhe se Dua Lipa dhe Adele së bashku
18 Dhjetor, 15:16 -
Britani/ Anulohet linja e parë në botë e autobusëve pa shofer! Shkak mungesa e pasagjerëve
17 Dhjetor, 18:30 -
Belgjikë/ Çmontohet organizata shqiptare e trafikut të kokainës drejt Anglisë! Mbi 30 kontrolle, disa të arrestuar dhe sekuestrime! Transportohej me furgonë mallrash
17 Dhjetor, 14:00 -
Publikohet emri dhe fotoja e spiunit kinez me të cilin dyshohet se ka bashkëpunuar Princi Andrew
16 Dhjetor, 17:20 -
Britania e Madhe: 50 mln paund paketë mbështetje për Sirinë
16 Dhjetor, 09:47
Kjo ashte demokracija. Si qejte rrugash
Përgjigju