Qeveri-President, 2 vite në krizë

TIRANE- Kthimi i dy dekreteve të fundit për rishqyrtim në Kuvend, ai i ligjit për “Turizmin” dhe për “Arsimin e Lartë”, pritet të acarojë edhe më tej marrëdhëniet mes Presidentit dhe Qeverisë. Dy vitet e para qeverisëse të mazhorancës së majtë, kanë qenë të mbushura me polemika mes institucionit të Presidentit dhe shumicës që përbën Kuvendin, të cilat në jo pak raste kanë shkuar edhe deri në akuza të ndërsjella. Janë plot 17 ligje dhe dekrete të kthyera dhe të rrëzuara si nga Kuvendi ashtu dhe nga Presidenti, vetëm gjatë 2 viteve të fundit.