POP 5

Lajmet më të lexuara të 5 minutave të fundit

Politikë

Qeveria 'Rama 2', 8 ministritë që
u kthyen në drejtori nga shkrirja

Integrimi, Transportet, Zhvillimi Urban, Mirëqenia sociale, Inovacioni, Administrata Publike, Marrëdhëniet me Parlamentin dhe Çështjet vendore që derti më tani ishin përfaqësuar në ministri, do të shkrihen. Burime nga kryeministria thanë për Report TV, se ato ose do të kalojnë thjesht si kompetenca pranë ministrive të tjera, ose do të jenë drejtori të pavarura. Nuk do të ketë më Ministri të Posaçme për Pushtetin vendor dhe as për marrëdhëniet me parlamentin.  VIDEO
Tetë çështje që ishin mbuluar me ministri të posaçme gjatë mandatit të parë të qeverisë Rama, janë tashmë pa një ministri të veçantë, madje nuk janë bërë pjesë e as emërtimit të ministrive të reja. Integrimi, Transportet, Zhvillimi Urban, Mirëqenia sociale, Inovacioni, Administrata Publike, Marrëdhëniet me Parlamentin dhe Çështjet vendore do ta kalojnë thjesht si kompetenca ose drejtori varësie brenda ministrive të tjera.

Integrimi kalon tek Bushati, Transportet tek Gjiknuri 
Ministria e Jashtme nuk do të quhet “Ministria e Jashtme dhe e Integrimit”, por duke ruajtur emërtimin e parë, do të mbulojë me një drejtori shumë të rëndësishme brenda saj edhe procesin e integrimit. Me hapjen e pritshme të negociatave, integrimi do të jetë fusha kryesore e punës së Ditmir Bushatit.
 
As Transportet nuk do të jenë emërtim i ndonjë ministrie. Ato do të funksionojnë si një drejtori e posaçme brenda Ministrisë së Energjisë dhe Infrastrukturës, sikundërse edhe çështjet e industrisë.

Lejet e ndërtimit në “udhëkryq” mes Xhafajt dhe Gjiknurit
Zhvillimi Urban që tashmë kishte funksionin specifik të dhënies së lejeve të ndërtimit dhe hartimit të planeve të reja urbane, nuk dihet se ku do të shkojë si kompetencë.
 
Edhe pse nuk ka asnjë ministri specifike për këtë çështje, burime nga kryeministria thonë se ende nuk është saktësuar se kush do ta marrë këtë kompetencë.

Një ide është që kjo kompetencë të kalojë pranë Agjencisë së Trajtimit të Titujve të Pronësisë, ku janë hipotekat dhe legalizimet, ndërsa një tjetër është që kjo kompetencë t’i shtohet Ministrisë së Brendshme e cila kontrollon territorin edhe përmes IKMT.
 
Nuk përjashtohet mundësia që kjo kompetencë tek kalojë tek Gjiknuri që përfshin edhe infrastrukturën.

Mirëqënia sociale do të shkrihet si nocion dhe disa kompetenca të tilla do të transmetohet në Kujdesin Social pranë ministrisë së Shëndetësisë.

Inovacioni dhe Administrata Publike, thjesht drejtori  
Inovacioni nuk do të jetë më pjesë e asnjë ministrie, por burimet thonë se mund të jetë një drejtori e veçantë e pavarur, sikundërse ka qenë edhe gjatë qeverisë Berisha.

Administrata Publike përsëri do të funksionojë si një drejtori e pavarur, DAP, sikundërse ka qenë më përpara, ndërsa edhe Çështjet Vendore nuk do të kenë më ministri.
 
Burimet brenda kryeministrisë thonë se kjo ministri i kreu funksionet e saj me përfundimin e reformës territoriale. Me të njëjtën logjikë është shkrirë edhe ministria e marrëdhënieve me parlamentin.

Tashmë që socialistët drejtojnë vetë edhe qeverinë, edhe kuvendin nuk ju duhet më një ndërmjetës mes dy palëve, siç bënte Felaj, kur Meta drejtonte kuvendin dhe LSI kishte vota përcaktuese në parlament.
 
 
 
dy.b/shqiptarja.com

/Shqiptarja.com
  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Kishte probleme me pasurinë, Kolegji i Posaçëm i Apelimit shkarkon gjyqtarin e Durrësit, Izet Dushajn

Kishte probleme me pasurinë, Kolegji i Posaçëm i Apelimit shkarkon gjyqtarin e Durrësit, Izet Dushajn

17 Shkurt, 16:55