Pas vendimit të qeverisë për të rritur pagën minimale në shkallë vendi nga 26 mijë lekë që është aktualisht në 30 mijë lekë në vitin që vjen, vendimi tjetër që pritet të zyrtarizohet shumë shpejt është ulja e tatimit mbi të ardhurat personale. Ky vendim ishte njoftuar më herët nga kryeministri Edi Rama teksa pohonte se do të ketë një rishikim të tatimit progresiv.
“Sa i takon taksës progresive, po jemi duke bërë një plan dhe sapo ta kemi gati do ta ndajmë me ju”, u shpreh kryeministri në konferencën e 29 shtatorit.
Në fjalën e tij kryeministri Rama nuk bëri të ditur se për çfarë bëhej fjalë konkretisht, por burime nga Ministria e Financave pohojnë se do të ketë një rishikim në ulje të të pragjeve të tatimit, por ende nuk janë vendosur se cilat do të jenë fashat e reja.
Fokusi i këtij vendimi është rritja e konsumit dhe lehtësimi i barrës për shtresën e mesme. Një masë e tillë ndërmerret edhe për të ulur shkallën e informalitetit në vend, dhe problemet më të mëdha janë konstatuar tek pagat e larta.
Aktualisht të punësuarit në vend paguajnë 2 fasha tatimi. Të gjithë të punësuarit që marrin mbi 30 mijë lekë e deri në 150 mijë lekë paguajnë 13% mbi të ardhurat, ndërsa ata që marrin mbi 150 mijë lekë paguajnë 23% tatim.
Në 2 vitet e fundit ka pasur ndryshime për punonjësit, pasi në 1 janar 2019 hyri në fuqi vendimi për të rritur pragun e pagave që tatohen me 23% nga rroga 130 mijë lekë në 150 mijë lekë. Më pas në 1 janar 2020 qeveria vendosi të tatojë vetëm një herë të gjithë të dy-punësuarit për totalin e pagave të tyre. Ishin 24 mijë persona që ju nënshtruan këtij vendimi. Ata që u prekën më së shumti ishin të dy-punësuarit me paga të larta, konkretisht nëse një person merrte 80 mijë lekë në një unë dhe 70 tek tjetra u detyrua të paguaj tatim 23%. Aktualisht në vend janë 13.646 qytetarë që marrin paga mbi 150 mijë lekë dhe tatohen me 23% për të ardhurat aq sa një biznes i madh. Sipas burimeve një vendim i tillë do të formalizojë edhe profesionet e lira, që deri më tani nuk kanë deklaruar fitimin real për shkak të tatimit të lartë.
Lajme të tjera
-
Atentati i Shkodrës/ LZHK: Krimi nuk ka frikë nga shteti, qeveria palë me të! Të ngrihet Xhandarmëria Kombëtare
1 Nëntor, 11:27 -
Alban Daci: Dy realitete të së njëjtës medalje!
31 Tetor, 19:23
-
Do krijohet Forca Rezerviste! Zbulohet vendimi i Qeverisë: Shërbim ushtarak deri në 45 ditë në vit! Pranohen dhe ato me dy shtetësi
30 Tetor, 19:43 -
Hotelet, 2 çadra për 1 dhomë! Leje plazhi vetëm bizneseve me NIPT e pa detyrime tatimore
24 Tetor, 17:33
-
PD: Rama po tallet me pensionistët, u dha 25 lekë në ditë!
22 Tetor, 16:40 -
Rama për skemën e pensioneve: Situata njësoj si me energjinë elektrike, gjysma paguan për gjysmën tjetër! Do ndërhyjmë fort, pagat joreale janë krim e vjedhje
21 Tetor, 12:09 -
Qeveria miraton Rregulloren e garës për 12 drejtorët e Policive në Qarqe! I njëjti proces për Zv/drejtorin e Përgjithshëm, drejtorët e Departamenteve dhe shefat e Komisariateve
16 Tetor, 13:36 -
Plazhet publike, operatorët turistikë të Durrësit pro nismës së Qeverisë! Xhepa dhe Luku: Presim të njihemi zyrtarisht me draftin e reformës në turizëm
15 Tetor, 17:07
-
Qeveria me strategji të re/ S’ka më përjashtime nga taksat, mbështetja e bizneseve apo individëve do të bëhet me kompensime e financiare
6 Tetor, 17:58
-
Studiuesi dom Nik Ukgjini kritikon Qeverinë: Për çfarë duhet kjo godinë që zhduku gjurmët e kullës ku lindi Fishta?!
2 Tetor, 16:03
-
Shqipëria përgatitet për mbledhjen e dytë ndërqeveritare me BE-në
28 Shtator, 08:14 -
Ndotje në Orikum, fusha e mbetjeve ‘mbyt’ qytetin turistik! Administratori: Duhet mbyllur urgjent! Kërkojmë nga Qeveria të hapë landfillin e Sherishtës
27 Shtator, 16:49
