POP 5

Lajmet më të lexuara të 5 minutave të fundit

Kosova & Rajoni

Qeveria e Malit të Zi prezanton projektligjin për pasurinë, kush nuk e justifikon, i kalon shtetit

Qeveria në Mal të Zi prezantoi projektligjin për prejardhjen e pasurisë. Nëse ligji kalon në parlament do të mundësojë edhe zbardhjen e rasteve të pasurive të paligjshme dhe korrupsionit nga e kaluara.

Qeveria e Malit të Zi prezanton projektligjin për pasurinë, kush nuk e justifikon, i kalon shtetit

"Një ligj i tillë në vende të ndryshme quhet Ligj Antimafia”, theksoi zëvendëskryeministri Dritan Abazoviç, që koordinon sektorin e sigurisë, duke prezantuar projektligjin e qeverisë në Podgoricë. Sipas tij ky ligj "fuqishëm do të kontribuojë në luftë kundër krimit të organizuar dhe korrupsionit në Mal të Zi dhe do të mundësojë që t'i jepet fund pasurimit të paligjshëm të kriminelëve, funksionarëve dhe mafiozëve.”

"Nëse dikush nuk mund të arsyetojë prejardhjen e pasurisë, ajo do të kalojë  në pronësi të shtetit. Për ne me rëndësi është prona, e ky ligj do të na mundësojë që të hulumtojmë rastet e njohura në Mal të Zi nga periudha e kaluar, që nuk kanë marrë epilogun e pritur nga prokuroria dhe publiku,", tha Abazoviç.

Të papunë e me pasuri milionëshe

Nënkyetari i qeverisë së Malit të Zi, Dritan Abazoviç tha po ashtu, se ”dikur ka ndodhur që njerëzit të liroheshin nga aktakuza, por për të gjithë është se njohur se këto persona, nuk do të kishin shanse që të justifikonin pasuritë e tyre. Nuk kanë  asnjë të ardhur të deklaruar, janë të papunë e kanë pasuri milionëshe, hotele, shtëpi luksoze, automjete disa dhjetëra mijëra eurosh”. Abazoviç, më tej tha, se "do të duhet që të gjitha organet të japin ndihmën e tyre që ligji të jetësohet. Pres që në parlament ligji të përkrahet nga të gjithë deputetët”.

"Do të  doja të shihja se cili nga deputetët nuk është i gatshëm që të përkrahë një ligj të tillë dhe për çfarë arsyeje. Besoj se të gjithë duhet të pajtohemi në luftën kundër korrupsionit dhe krimit të organizuar”, deklaroi Abazoviç.

Këshilltari për çështje juridike i zëvendëskryeministrit, Ivo Shoq tha, se "ligji nuk është inkuizitor por model, i cili në mënyrë efikase do të identifikojë pasurinë e fituar në mënyrë të paligjshme.  Është parashikuar që të kontrollohet pasuria vlera e së cilës i tejkalon 50.000 euro. "Procedimi do të zhvillohet para gjykatave civile dhe askush  nuk do të mund të jetë i mbrojtur nga imuniteti”. Në konferencën e shtypit po ashtu u tha që kontrollit do t'i nënshtrohet dhe pasuria e personave fizik, të cilët janë banorë të Malit të Zi dhe shtetasit malazez të cilët gjenden jashtë.

Sekretari i shtetit në Ministrinë e Drejtësisë  dhe të Drejtave të njeriut dhe pakicave, Boris Mariq vlerësoi, se me këtë ligj do të mundësohet një qasje e llogarive bankare në vend dhe jashtë si dhe  pasuria e secilit dhe se të dhënat do të jenë në dispozicion të policisë, prokurorisë, drejtorisë tatimore, drejtorisë së doganave, agjencisë kundër pastrimit të parave dhe agjencisë kundër korrupsionit./DW

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça