POP 5

Lajmet më të lexuara të 5 minutave të fundit

Bota

Qeveria gjermane plan masash për kursimin e energjisë, nga shtatori kufizohet ndriçimi e ngrohja në institucionet publike

Qeveria gjermane ka miratuar një sërë masash për kursimin e energjisë gjatë sezonit të dimrit. Sipas planit të hartuar ndriçimi dhe ngrohja do të kufizohen në ndërtesat publike. Qeveria synon të ulë përdorimin e gazit me 2%.

Qeveria gjermane plan masash për kursimin e energjisë, nga shtatori kufizohet ndriçimi e ngrohja në institucionet publike

Foto ilustruese

Qeveria gjermane ka miratuar një sërë masash për kursimin e energjisë gjatë sezonit të dimrit. Sipas planit të hartuar ndriçimi dhe ngrohja do të kufizohen në ndërtesat publike. Qeveria synon të ulë përdorimin e gazit me 2%. Ministri i Ekonomisë së Gjermanisë tha se ky plan masash mund t’u kursejnë familjeve private, kompanive dhe sektorit publik rreth 10.8 miliardë euro gjatë dy viteve. Ky plan është pjesë e përpjekjeve për të reduktuar varësinë e Gjermanisë nga gazi rus.

Përpara se Rusia të pushtonte Ukrainën, Gjermania merrte 55% të gazit të saj nga Rusia, por ajo e ka ulur këtë në 35% dhe është zotuar të përfundojë plotësisht importet. Ministri i Ekonomisë i Gjermanisë, Robert Habeck, u tha gazetarëve se vendi i tij dëshironte të çlirohej "sa më shpejt të ishte e mundur nga kontrolli i importeve ruse të energjisë".

Duke filluar nga shtatori, ndërtesat publike, përveç institucioneve si spitalet, do të ngrohen në maksimum 19 gradë Celsius dhe ngrohja mund të fiket plotësisht në hyrje, korridore dhe holle. Monumentet dhe ndërtesat publike gjithashtu nuk do të ndriçohen për arsye estetike dhe bizneseve mund t'u ndalohet të mbajnë dyqanet e tyre të ndriçuara gjatë natës. Ngrohja e pishinave private gjithashtu mund të ndalohet.

Gjermania planifikon gjithashtu të zhvillojë fushata publicitare për t'u treguar vendasve se si mund të reduktojnë konsumin e tyre. Mes shqetësimeve për mungesat e dimrit, qeveria gjermane ka marrë masa për ngritjen e dy terminaleve të gazit natyror të lëngshëm në bregun e Detit të Veriut. Shumica e vendeve anëtare të Bashkimit Evropian janë zotuar të reduktojnë vullnetarisht përdorimin e gazit me 15% këtë dimër - edhe pse kjo do të bëhet e detyrueshme nëse ka mungesa serioze.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

PAMJET nga përmbytjet në Durrës, banorët angazhohen për tërheqjen e ujit nga banesat

PAMJET nga përmbytjet në Durrës, banorët angazhohen për tërheqjen e ujit nga banesat

30 Janar, 09:26