POP 5

Lajmet më të lexuara të 5 minutave të fundit

Ekonomi

Qeveria: Situata në hidrocentrale u përmirësua, por pritet mungesë reshjesh! Duhet kursim për të mos vendosur fashën 800 kwh, në nëntor u rrit konsumi

Situata energjetike në vend është përmirësuar ndjeshëm për shkak të reshjeve të shiut që kanë përfshirë vendin herë pas here që prej datës 19 nëntor. Por pavarësisht përmirësimit, në fundin e muajit dhjetor pritet mungesë të reshjeve të shiut, çka mund të sjellë edhe një ndryshim të situatës, prandaj qeveria bën thirrje për kursim të energjisë elektrike.

TIRANË- Situata energjetike në vend është përmirësuar ndjeshëm për shkak të reshjeve të shiut që kanë përfshirë vendin herë pas here që prej datës 19 nëntor. Por pavarësisht përmirësimit, në fundin e muajit dhjetor pritet mungesë të reshjeve të shiut, çka mund të sjellë edhe një ndryshim të situatës, prandaj qeveria bën thirrje për kursim të energjisë elektrike.

Ndalur në shifra konkrete, qeveria bën me dije se në muajin nëntor baseni i Fierzës ishte në nivelin 267 metra, ndërsa për muajin dhjetor, deri më tani është arritur 280 metra në basenin e Fierzës. Për rreth një muaj, qeveria thotë se kanë akumuluar 340 giga vat orë energji elektrike. Për muajin tetor rezerva ka qenë 448 giga vat orë, ndërsa në muajin nëntor 788 giga vat orë.

Ndonëse situata është përmirësuar ndjeshëm, ajo çfarë vihet re në shifrat e dhëna nga qeveria është se gjatë muajit nëntor ka pasur një rritje të konsumit të energjisë elektrike. Konkretisht, në muajin nëntor është kursyer vetëm 2% energji elektrike në rang kombëtar, krahasuar me 7% që është kursyer në muajin tetor.

Sa i përket kursimit të administratën publike, qeveria bën me dije se kanë kursyer 20% të energjisë elektrike në muajin nëntor, 5% më shumë kursim se targeti i vendosur nga qeveria.

Në muajin dhjetor pritet të ketë më shumë konsum të energjisë elektrike, kjo për shkak të uljeve të temperaturave. Sipas qeverisë, në dhjetor pritet që konsumi të rritet nga 22 mijë mega deri në 26 mijë mega vat në ditë, referuar konsumit të një viti më parë. Këto shifra, qeveria thotë se janë tepër të larta dhe prandaj bën thirrje për kursim të energjisë.

Nga data 17 dhjetor pritet të ketë një përmirësim të motit, pasi nuk priten reshje shiu, çka do ta bëjë situatën me kritike. Prandaj qeveria thotë se kursimi do duhet të jetë prioritet për çdo familjar dhe biznes në mënyrë që të kursehet 5% e energjisë elektrike në rang kombëtar.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 13/12/2022 17:58

    Menaxhimi i mire i kaskades dhe kursimi i popullates kane shelle gjendhen e mure hidrike.E gjitge BE aplikon fashen per te ndihmuar te varferit dhe per te ekonomizuar financat e energjetukes ne pergjithesi.Kush eshte kyndra fashes deri ne 800 kw? Te gjithe abuzuesit si dhe ata qe kerkojne luks ne ambjentet e ture dhe jane te ardhura te mjaftyeshme . 800 kw do te thote te konsumish22kw ore ne dite pra nhe shifer marramendese qe fukarai nuk e con as tek 300 kw ne ore.Qeveria ka per detyre te mbroje shtresat ne nevoje dhe jo tangarlleqet e disave qe vec opozita i del ne krah

    Përgjigju
  • Inesa: 13/12/2022 15:39

    Vritni mendjen dhe zgjidhni situaten. Nese nuk jeni te afte lironi karriget qe te vijne ata qe jane profesioniste. Edhe injorante, edhe te paafte, edhe hajdute, edhe pune 0. Cfare te shtoj me shume

    Përgjigju
    • Çimi: 13/12/2022 16:32

      Inesa, shumë e ke lëshuar dorën me fyerjet në komentin tënd. Do të ishte më e dobishme që para se të rekomandosh rrugën e zgjidhjes të këshilloj që të informohesh mirë rreth proçesit të menaxhimit dhe nëse vëren defekte mund të japësh këshilla. Mos kopjo Saliun që edhe pse e bëri Shkodrën si Venecia dhe nuk e dëmshpërbleu, edhe pse shiti katër hidroçentrale privatit sa shuma e harxhuar për rikonstruksionin e tyre bën ekspertin e menaxhimit dhe antikorrupsionit.

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Mesut Ozil: Në kohën time El Clasico ishte ndeshja më e madhe në botë, sot nuk është për faj të Barcelonës

Mesut Ozil: Në kohën time El Clasico ishte ndeshja më e madhe në botë, sot nuk është për faj të Barcelonës

20 Prill, 14:55