POP 5

Lajmet më të lexuara të 5 minutave të fundit

Politikë

Qeveria merr mbi 18 mijë ha
tokë të AKKP, gati për qira

Në mbledhjen e djeshme qeveria vendosi kalimin në administrim të Ministrisë së Bujqësisë, Zhvillimit Rural e Administrimit të Ujërave të fondit të tokës bujqësore me sipërfaqe 18 076 ha të ish-ndërmarrjeve bujqësore dhe ish-institucioneve kërkimore e shkencore të kësaj ministrie.
TIRANE- Në mbledhjen e djeshme qeveria vendosi kalimin në administrim të Ministrisë së Bujqësisë, Zhvillimit Rural e Administrimit të Ujërave të fondit të tokës bujqësore me sipërfaqe 18 076 ha të ish-ndërmarrjeve bujqësore dhe ish-institucioneve kërkimore e shkencore të kësaj ministrie, që aktualisht është në dispozicion të Agjencisë së Kthimit e Kompensimit të Pronave.

Këto sipërfaqe e tokave bujqësore, administrohen sipas ligjit “Për dhënien me qira të tokës bujqësore e pyjore, të livadheve dhe kullotave që janë pasuri shtetërore”, të ndryshuar, ligjit “Për koncesionet dhe partneritetin publik/privat” dhe vendimit të Këshillit të Ministrave, “Për përcaktimin e kritereve rregullave e procedurave të dhënies me qira të tokave bujqësore në pronësi të shtetit”.

Shkronja “c” e pikës 1, të vendimit nr.567, datë 5.9.2007, të Këshillit të Ministrave, “Për miratimin e kritereve e procedurave për caktimin e pronave, fond pasurie të paluajtshme për kompensim fizik”; vendimi nr.868, datë 18.6.2008, i KM, “Për krijimin e fondit të kompensimit fizik nga fondi i tokës bujqësore”; pika 1, e vendimit nr.459, datë 22.5.2013, të KM, “Për një ndryshim në fondin e kompensimit fizik të krijuar nga fondi i tokës bujqësore”; urdhri nr.265 datë 1.10.2002, i Kryeministrit, “Për evidentimin dhe ndërprerjen e procedurave të tjetërsimit ose dhënies me qira të pronës shtetërore, tokë bujqësore, pyjore livadhe dhe kullota”, dhe urdhri nr.287, datë 20.12.2006, i Kryeministrit, “Për evidentimin dhe ndërprerjen e procedurave të tjetërsimit të pronës së shtetërore, tokë bujqësore, livadhe dhe kullota”, shfuqizohen. Po dje qeveria ka miratuar dhe vendimin për përcaktimin e numrit të punonjësve me kontratë të përkohshme në njësitë e qeverisjes qëndrore, për 2014, prej 541 vetash.
 
Vendime të tjera
Qeveria përcakton rregullat për organizimin dhe funksionimin e Agjenisë Kombëtare të Mjedisit e të Agjenive Rajonale të Mjedisit. Ajo ushtron funksionet e ngarkuara nga ligjet “Për mbrojtjen e mjedisit”, “Për lejet e mjedisit”, “Për vlerësimin e ndikimit në mjedis”, ky vendim dhe çdo akt ligjor dhe nënligjor,  i posaçëm. Në vendim përcaktohet se AKM ka pavarësi në marrjen e vendimeve dhe ushtrimin e funksioneve të saj. Vendim ishte ai për krijimin, mënyrën e organizimit, funksionimit të Inspektoriatit Shtetëror të Mjedisit, Pyjeve e Ujërave.

Qeveria ka miratuar kalimin në përgjegjësi administrimi të mjediseve, nga Komisioneri për Mbrojtjen e të Dhënave Personale, Agjencia për Mbështetjen e Shoqërisë Civile e Komiteti Shtetëror i Minoriteteve te Ministria e Zhvillimit Urban e Turizmit, sipas planimetrive, për t’u përdorur si mjedise pune nga kjo ministri.
 

Shkrimi u publikua sot (30.01.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Eduard Zaloshnja: Rama synon 1 milion vota gjithësej dhe 84 mandate për PS-në, por…

Eduard Zaloshnja: Rama synon 1 milion vota gjithësej dhe 84 mandate për PS-në, por…

10 Janar, 09:40 nga Eduard Zaloshnja