Punimet te 'Sheshi Shqiponja', Lumi i Tiranës, qeveria jep 103 milionë lekë për shpronësimet! Fonde dhe për pronarët e prekur nga rikonstruksioni i rrugës Vlorë-Orikum e 3 projekte të tjera

Punimet te 'Sheshi Shqiponja', Lumi i Tiranës, qeveria jep 103 milionë lekë për shpronësimet! Fonde dhe për pronarët e prekur nga rikonstruksioni i rrugës Vlorë-Orikum e 3 projekte të tjera

Këshilli i Ministrave miratoi sot 5 vendime për shpronësimin e pronarëve pronat e të cilëve preken nga 3 projekte dhe rritjen e fondit të shpronësimeve që preken nga 2 projekte.

Në kuadër të vijimit të punimeve për projektin që kalon nga “Sheshi Shqiponja” tek lumi i Tiranës, loti 1, & QMT, faza 2”, Këshilli i Ministrave miratoi vlerën e përgjithshme të shpronësimit, prej 103 096 750.18 lekësh (njëqind e tre milionë e nëntëdhjetë e gjashtë mijë e shtatëqind e pesëdhjetë pikë tetëmbëdhjetë) lekësh, përballohet nga buxheti i shtetit, llogaria “Fondi i shpronësimeve”, në Bankën e Shqipërisë.

Vlera përballohet nga buxheti i shtetit, llogaria “Fondi i shpronësimeve”, në Bankën e Shqipërisë. Shpronësimi fillon menjëherë pas botimit të këtij vendimi në “Fletoren zyrtare” dhe afati i përfundimit të shpronësimit është brenda 3 (tre) muajve nga data e hyrjes në fuqi të tij.

KAMZË

Miratohet shpronësimi të pronarëve pronat e të cilëve preken nga realizimi i projektit “Ndërtimi i fiderave me kabëll 20 kV, V4, V5 dhe kabinave të reja nga nënstacioni i ri Valias”.

Vlera e përgjithshme e shpronësimit, prej 1 893 636 (një milion e tetëqind e nëntëdhjetë e tre mijë e gjashtëqind e tridhjetë e gjashtë) lekësh, përballohet nga Operatori i Shpërndarjes së Energjisë Elektrike GROUP, sh.a.

ELBASAN

Miratohet shpronësimi për interes publik, të pronarëve të pasurisë së paluajtshme, pronë private, që preket nga realizimi i projektit “Rivitalizimi dhe rikonstruksioni i tregut fruta – perime në lagjen “Kongresi i Elbasanit”, në zonën kadastrale 8521”, Bashkia Elbasan.
Vlera e përgjithshme e shpronësimit, prej 1 410 660.46 (një milion e katërqind e dhjetë mijë e gjashtëqind e gjashtëdhjetë pikë dyzet e gjashtë) lekësh, përballohet nga buxheti i Bashkisë Elbasan.

VLORË 

KM miratoi dhe disa ndryshime dhe shtesa në fondin e shpronësimit të pronarëve pronat e të cilëve preken nga realizimi i projektit “Rikonstruksion i rrugës ekzistuese Vlorë-Orikum dhe i dy by-pass-eve në Radhimë, Vlorë””. Fondi i shpronësimeve rritet nga 202 682 342.35 (dyqind e dy milionë e gjashtëqind e tetëdhjetë e dy mijë e treqind e dyzet e dy pikë tridhjetë e pesë) lekë, në 239 563 573.93 (dyqind e tridhjetë e nëntë milionë e pesëqind e gjashtëdhjetë e tre mijë e pesëqind e shtatëdhjetë e tre pikë nëntëdhjetë e tre) lekë. 

KORÇË 

Për realizimin e projektit “Zgjerimi i varrezave publike Korçë”, fondi i shpronësimeve rritet nga 1 338 044 (një milion e treqind e tridhjetë e tetë mijë e dyzet e katër) lekë, në 8 121 524 (tetë milionë e njëqind e njëzet e një mijë e pesëqind e njëzet e  katër) lekë.
Bashkia Korçë kryen procedurat për likuidimin e pronarëve të shpronësuar.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?



×

Lajmi i fundit

Evi Kokalari replikon me konsulentin amerikan të Berishës: Sa u pagove për punën e pistë? Sorosin e solli Saliu në Shqipëri

Evi Kokalari replikon me konsulentin amerikan të Berishës: Sa u pagove për punën e pistë? Sorosin e solli Saliu në Shqipëri