Qeveria "Rama", ja emrat e
19 ministrave, ku 5 janë gra

TIRANE - Publikimi i strukturës së re të qeverisjes së majtë nga ana e kryeministrit të ardhshëm Edi Rama ka shtuar zërat në lidhje me emrat për ministrat e këtij kabineti qeveritar. Ndonëse nuk është asgjë e sigurt, dhe informacionet janë vjelur nga burime të ndryshme brenda selisë së PS dhe të LSI pasi emrat e saktë janë në kokën e Ramës dhe të Metës, ajo që është e sigurt është se LSI do të ketë 5 poste ministrore dhe një zv.kryeministër pa portofol ministror.

Ndërkohë që dy aleatët tjerë që kanë nga një deputet në Kuvend, PBDNJ e Dules dhe Kristiandemokratët e Muslisë do të marrin nga një post ministror. Kjo sipas marrëveshjes parazgjedhore të nënshkruar më parë. Ndërkohë që të 14 postet e tjera ministrore do të jenë në dizpozicion të kandidatëve të PS, deputetë ose jo. Mësohet se pothuajse është rënë dakord që Edmond Haxhinasto, përfaqësues i LSI të jetë zv.kryeministër i vendit, dhe ku sëbashku me kryeministrin Rama do të jenë të vetmit në kabinetin qeveritar që do mbajnë dhe mandatin e deputetit pas inkuadrimit në qeverinë e re.

Ndërkohë që të gjithë ministrat e tjerë nëse do të jenë dhe deputetë do të jenë të detyruar të zgjedhin ose marrjen e postit ministror ose lënien e mandatit të deputetit. Mësohet se në krye të financave shqiptare do të jetë ish-Guvernatori i BSH, Shkëlqim Cani. Ndërkohë që në krye të ministrisë së Ekonomisë, Tregtisë dhe Sipërmarrjes pritet të jetë Mimi Kodheli. Ndërsa gjendja komplikohet te ministria e Brendshme ku kandidatë flitet se janë Saimir Tahiri dhe Alfred Peza, të dy të PS.

Kështu dhe te Ministria e Mbrojtjes ku janë në garë Luan Rama i LSI dhe Taulant Balla i PS. Ndërsa mendohet që në krye të Ministrisë së Jashtme do të jetë Ditmir Bushati i PS. Po i PS, por i papërcaktuar ende mësohet se do jetë dhe ministri i Integrimit Europian. Ndërkohë që te Ministria e Drejtësisë mësohet se “luftojnë” për një vend Muharrem Kushe përfaqësues i LSI dhe Damjan Gjiknuri i PS.

Ndërsa te Ministria e Trasporteve flitet të jetë Lefter Koka i LSI, te Turizmi Artan Lame i PS, Energjia e LSI, Arsimi Ledi Shamku PS, Shëndetësia Klodiana Spahiu PS, Mirëqenia e Rinia LSI, Kultura Blendi Klosi PS, Bujqësia PBDNJ, Mjedisi Kristiandemokratët, Inovacioni Milena Harito PS, Vendoret Lindita Nikolla PS dhe marrëdhëniet me Parlamentin po PS. Por emrat konkretë pritet të zbardhen në fillim të gushtit.
 
“MAKETI” I KABINETIT TË RI QEVERITAR, JA EMRAT QË PËRFLITEN
 
■ Kryeministri                                                                                     Edi Rama
■ Zv/Kryeministri                                                                                 Edmond Haxhinasto
■ Ministria e Financave                                                                        Shkëlqim Cani
■ Ministria e Brendshme                                                                      Saimir Tahiri/Alfred Peza
■ Ministria e Mbrojtjes                                                                         Luan Rama/Taulant Balla
■ Ministria e Jashtme                                                                          Ditmir Bushati
■ Ministria e Integrimit Europian                                                           PS
■ Ministria e Drejtësisë                                                                        Muharrem Kushe/Damian Gjiknuri
■ Ministria e Zhvillimit Ekonomik, Tregtisë dhe Sipërmarrjes                    Mimi Kodheli
■ Ministria e Energjisë dhe Industrisë LSI
■ Ministria e Zhvillimit Urban dhe Turizmit                                              Artan Lame
■ Ministria e Transportit dhe Infrastrukturës                                           Lefter Koka
■ Ministria e Bujqësisë, Zhvillimit Rura  dhe Administrimit të Ujërave       PBDNJ
■ Ministria e Shëndetësisë                                                                  Klodiana Spahiu
■ Ministria e Arsimit dhe Sportit                                                           Ledi Shamku
■ Ministria e Mirëqenies Sociale dhe Rinisë                                          LSI
■ Ministria e Kulturës                                                                          Blendi Klosi
■ Ministria e Mjedisit                                                                           P.Kristiandemokrate
 
MINISTRAT E SHTETIT:

■ Ministër për Inovacionin e Administratën Publike                                Milena Harito PS
■ Ministër për Çështjet Vendore                                                           Lindita Nikolla PS
■ Ministër për Marrëdhëniet me Parlamentin                                         PS
■ Agjencia e menaxhimit të bregdetit Auron Tare                                   PS

Redaksia Online
(b.m./mag/shqiptarja.com)