Qeveria siriane ndërpret luftimet 
për të krijuar "zonat e sigurta"

Ushtria siriane ka vendosur të ndërpresë luftimet në zonat e kontrolluara të rebelëve në Ghouta lindore jashtë kryeqytetit sirian Damask.

Kjo lëvizje shtetit sirian u ndikua nga Rusia, e cila deklaroi se ka arritur marrëveshje me krahun liberal të forca rebele për të ulur tensionin në disa rajone të Sirisë.

Ghouta lindore është një nga katër provincat e propozuara si "zona  të shtensionuara nga luftimet ".

Në deklaratën e saj zyrtare, Ushtria Siriane bëri publike ndërprerjen luftimeve dhe ky  vendim ka hyrë në fuqi në mesditën e sotme.

Fraksioni  luftarak rebel Faylaq-al Rahman e mirëpriti ndërprerjen e luftimeve nga ana e forca te regjimit të Bashal al-Assad-it.

Në mëngjesin e ditës së Shtunë, Rusia tha se është nënshkruar një marrëveshje me forcat rebele në bisedimet e mbajtura në Kajro.

Marrëveshja ka si objektiv krijimin e një zone të sigurtë në territorin e Ghoutas lindore.

Mbikëqyrja e procesit të ndërprerjes së luftimeve do të kryhet me një forcë monitoruese që do të operojë në rajonin e Ghoutas Lindore.

Procesi i ndaljes së konfliktit në këtë rajon pason bisedimet në muajin maj në Astana të Kazakistanit. Rusia, Turqia dhe Irani miratuan me konsensus krijimin e "zonave jokonfliktuale " në Siri.

Marrëveshja synon të garantojë furnizimin me medikamentet mjekësore dhe ndihmat humanitare të kalojnë lirshëm në zonat e propozuara dhe të ndërpriten sulmet e armatosura nga të gjitha palët.

Në bisedimet e Astanas, delegacioni që përfaqësonte rebelët u tërhoq në shenjë revolte.

Sipas analistëve, ka ende grupe rebele në zonën e Ghoutas lindore që duhen se si do të sillen me situatën e re.

Qeveria siriane nuk e ka nënshkruar marrëveshjen e Astanas, por nga mediat e Sirisë bëhet me dije se qeveria e al-Assadit ka dhënë mbështetje verbale.

Procesi i demilitarizimit i 4 rajoneve është ngadalësuar nga mosrënia dakort se cila palë do të monitorojë ndërprerjen e dhunës.

Plani i i nënshkruar nga Rusia, Turqia dhe Irani pë tw krijuar "zona të sigurta" janë ˸

1.territoret e kontrolluara nga rebelët në provincën e Idlibit dhe distriktet që përfshijnë qytetet e Aleppos, Hamas dhe Latakias.

2.Pjesë të provincës së Homsit në qendër të Sirisë, ku rebelët kontrollojnë një rrip tokësor

3.Daraa dhe Quneitra në jug të Sirisë, aty ku rebelët kanë pozicionet më të konsoliduara.

4.Ghouta lindore

Redaksia Online
d.v./shqiptarja.com