Të gjitha lejet e ndërtimit të dhëna në vijën bregdetare në Shqipëri do të vihen në sitë, duke pritur një valë shembjesh, siç edhe ka nisur nga IKMT-ja për ato pa leje, për të kaluar më tej tek ndërtimet në bregun e detit vetëm me koncesion, përmes të shumë diskutuarit Partneritet Publik Privat (PPP).
Të gjithë procesin do ta ketë në dorë Agjencia Kombëtare e Bregdetit në varësi të Ministrisë së Turizmit dhe Mjedisit, që është edhe dikasteri që ka hartuar një draft për “menaxhimin e integruar të bregdetit”, të cilin Report Tv e siguron, dhe që tashmë pritet të nisë konsultimet publike me grupet e interesit.
"Pas hyrjes në fuqi të këtij ligji, ndalohet dhënia e lejeve të ndërtimit në bregun e detit, me përjashtim të kontratave koncesionare/PPP, investimeve strategjike dhe ndërtimeve", sqarohet në projektligj.
Privatët duhet të hartojnë politika të qarta për zhvillimin e turizmit në bregun ku ata do ndërtojnë. Po sipas draftit, pronat private në bregdet do të mund edhe të shiten. Të drejtën për ta blerë i pari, në rast nevoje, e ka shteti në procedura të përcaktuara me vendim të Këshillit të Ministrave. Por nëse plani i menaxhimit të bregdetit e kërkon, një pronë private mund edhe të tjetërsohet për interes publik.
Agjencia Kombëtare e Bregdetit do të vendosë për monitorimet, për kontratat e reja për administrimin e plazheve, jep me qira sipërfaqe të caktuara të bregut të detit për zhvillimin e aktiviteteve të ndryshme përfshirë aktivitetet veprimtaritë sportive argëtuese dhe turistike në det etj. Po ashtu Agjencia ka të drejtë të vendosë gjoba për organet shtetërore, qendrore dhe vendore që janë në kundërshtim me draftin në të cilin ende nuk janë përcaktuar vlerat e masave administrative. I vetmi bashkëpunim me pushtetin vendor që deri më sot ka në dorë lejet e ndërtimit, do të jetë ai i verifikimit të dokumentacioneve dhe kontratave të ndërtimeve aktuale në vijën bregdetare për të shkuar në vendimin për shembje ose jo në rast parregullsish. Bashkive do t’u mbeten vetëm propozimet, dhe jo e drejta për vendimmarrje.
“Bashkëpunojnë me AKB gjatë fazës së hartimit të instrumenteve të planifikimit të territorit, dhe reflektojnë mendimet dhe sugjerimet e Agjencisë, në përputhje me qëllimet, objektivat dhe kriteret e menaxhimit të zonës bregdetare;
b. i përcjellin Agjencisë çdo aplikim për pajisje me leje zhvillimore apo leje përdorimi që është dorëzuar pranë tyre, me qëllim marrjen e miratimit paraprak të Agjencisë, miratim icili përbën kusht ligjor për dhënien e lejeve zhvillimore dhe të përdorimit nga ana e organeve të vetqeverisjes vendore;
c. informojnë në çdo rast Agjencinë, për masat, veprimet dhe sanksionet e marra prej tyre gjatë kontrollit të territorit në brezin e zhvillimeve të kontrolluara, të kryera me iniciativën e tyre apo me kërkesën e Agjencisë për zonën bregdetare, me qëllim bashkërendimin e ndërhyrjeve në territor;
d. zbatojnë kërkesat që i drejton Agjencia, në lidhje me kontrollin e territorit dhe inspektimin e ndërtimeve në zonën bregdetare”, këto janë të drejtat e Bashkive.
Ndërsa zonat bregdetare do të menaxhohen nga Komiteti i Menaxhimit të Bregut të Detit që parashikohet të ngrihet nëpërmjet këtij projektligji, por edhe në këtë rast vendimmarrjen e ka Agjencia Kombëtare e Bregdetit. Ky komitet do të vendos vetëm për stacionet e plazheve publike dhe private.
“Komiteti i Menazhimit të Bregut të Detit ka këto kompetenca:
a. Miraton planin e menaxhimit të bregut të detit, të hartuar dhe propozuar nga AKB-ja
b. Jep mendim për kërkesat drejtuar AKB, lidhur me planifikimin dhe zhvillimin e territorit në zonën bregdetare;
c. Jep pëlqimin për veprimtaritë e lidhura me zonën bregdetare dhe për tarifat për ushtrimin e këtyre veprimtarive, të hartuara nga AKB;
d. Miraton hartën e stacioneve të plazheve si dhe plazheve publike, të cilat pajisen me një numër të veçantë identifikues”, janë funksionet e Komitetit të Menaxhimit.
( Kliko këtu ) Projekt - ligji i plotë për menaxhimin e bregdetit
Komente
Lajme të tjera
-
Shifrat Janar-Tetor/ 4,9 milionë vizitorë në zonat e mbrojtura, 1,7 mln të huaj! Kumbaro: Janë 20% më shumë se në 2023! Turizëm gjithëvjetor, fokusi tek eko-turizmi
14 Nëntor, 12:53 -
Lungomare 3, shemben 30 lokale e restorante pergjatë vijës bregdetare Vlorë-Radhimë
13 Nëntor, 16:50 -
Rrugët me pagesë do të menaxhohen edhe nga shteti, qeveria krijon ‘EKORR’! Kompania do të monitorojë edhe akset e dhëna me koncesion
6 Nëntor, 20:38
-
Pas takimit me shqiptarët në Selanik, Rama për mediat greke: Keqinformim për pronat në Himarë! Keqardhje për zhurmën 'Beleri'! Asnjë problem për të forcuar marrëdhëniet me Greqinë
4 Nëntor, 15:18 -
Strategjia ‘Turizmi 2030’/ Punonjësit sezonal në turizëm, pagë edhe jashtë sezonit! Qëllimi, të mbahen të kualifikuarit
27 Tetor, 17:15
-
Kumbaro takim me operatorë të turizmit natyror! 3,8 milionë vizitorë në zonat e mbrojtura, zhvillohet zinxhiri i ekonomisë që vjen nga turizmi
7 Tetor, 14:16 -
Drafti/ Pas bregdetit në fokus malet, prona shtetërore do shiten për 1 euro te privatët! Kushtet, të jenë posedues faktik të paktën 10 vite dhe një plan biznesi
2 Tetor, 12:22
-
Gati aplikimi për Vjosën si pjesë e UNESCO-s, Kumbaro: Krenarë për gjithë punën e bërë, një kontribut i gjithë shoqërisë shqiptare
30 Shtator, 13:31 -
Ndryshime në qeveri, shkarkohen nga detyra dy zëvendësministret e Turizmit Vilma Bello dhe Almira Xhembulla
18 Shtator, 18:42 -
Nis reahabilitimi i hyrjes së Shkodrës! Shemben 21 shtëpi e lokale si dhe 50 baraka të romëve
16 Shtator, 12:23
-
Shqipëria do lejojë importin e mbetjeve, Ministria për REPORT TV: Referencë, ‘Lista e Gjelbër’ e BE
21 Gusht, 15:59
-
Report Tv e paralajmëroi tre muaj më parë, qeveria i hap rrugën importit të mbetjeve jo të rrezikshme! Lista propozohet nga Ministria e Mjedisit
20 Gusht, 22:28
BRAVO ,Z KRYEMINISTER,,,BREGDETI ESHTE NJE ZONE STRATEGJIKE,,,DHE DUHET TRAJTUAR SI E TILLE,,,DHE ME KETE TRAJTIM TE VECANTE DUHET TA BEJE QEVERIA,,,,,BASHKITE E KETYRE KOMUNAVE TE MERRET VETEM ME PASTRIMIN E PLEHRAVE,,KAQ EDHE SHUME E KANE...
PërgjigjuQeverite ne vite kane bere shume gabim qe kane ndjekur procesin e decentralizimit. Kane kopjuar shabllon shtetet e medha, por ndryshimi i Italise apo Gjermanise apo kujtdo shteti tjeter i ketyre permasave eshte qe ata e decentralizojne vendin e tyre prej me shume se 40 milionesh bankre, duke e ndare ne njesi, provinca, lande apo trema te tjere me numer banoresh pak a shume sa Shqiperia, dmth diku te 3-4 milion banore. Atje po qe ka kuptim dhe efeket decentralizimi, kurse ketu te ne ishte pa kuptim. Une mendoj qe cdo kontroll tatimor, taksash, policie, leje ndertimi apo menaxhime qytetesh te behet me vendim nga pushteti qendror. Dhe pushteti lokal do kishte thjeshte rol nderlidhesi midis qeverise qendrore dhe nevojave direkte te popullit ne terren.
PërgjigjuAtje ku ju intereson edhe mund t'i tjetersoni pronat private ne publike. E perse nuk e tjetersuat karburantin ne lungo mare e ta benit prone publike? Shpiket lloj lloj justifikime per ta zgjeruar. Duke shkelur deve ligjet e sigurise per nje karburant, duke e kthyer ne nje bombe qe mund te shpertheje nga momenti ne moment, turmat qe shetisin mes permes karburantit dhe me cigare ne duar.
PërgjigjuI do te gjitha per vete qeveria. Tani qe mbarune pronat ne qytete zbarkuan ne bregdet duke i vjedh me ligj pronat pronareve.
Marrja ne zoterim shteteror te vijes bregdetare ,eshte nje hap shume pozitiv ne ndihme te strategjise se zhvimit te turizmit ,por ajo qe eshte pjesa me korruptive dhe pa efekt ekonomik eshte se kompanite e PPP te dashura te lartmadherise se tij zotit Rama ndertojne nje hotel dhe 90% te siperfaqes e kane per ndertime ne funksion te real state.PPP nuk kane as nje te mire kur nuk kane efekt ne ekonomi dhe kur kostot kalojne disa here ato reale.Mire eshte te ndertosh dhe te kujtohesh per te mire ,dhe jo kur populli qe nuk sheh te mira thote te thyej qafen se asnje te mire nuk na beri
PërgjigjuShyqyr qe ju erdhen mendte,,,asnje leje nuk mund te jape me bashkia ne bregdet,,ata e kane shkatarrusr plazhin,,dhe te arrestohen keta bashkiake se akuza per ta ka plot....
Përgjigju