Receta

Qofte frikase nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 17 Maj 2023, 12:02 | Përditesimi: 17 Maj 2023, 12:03

Qofte frikase

Përbërësit:

500 gr mish i grirë
150 gr tul buke
1 qepë
2 të bardha veze
1 tufë majdanoz
1 fl kafeje djathë i grirë
Kripë, piper, nenexhik
Gjalpë për kaurdisje

Për salcën frikase:

LEXO EDHE:
Pulë e mbushur nga zonja Albana

400 gr qepë
1 fl kafeje uthull e bardhë
1 fl kafeje qumësht
2 të verdha veze
2 lgj gjalpë
Pak miell

Përgatitja:

Bashkojmë të gjithë përbërësit e qofteve bashkë, e lemë pak brumin të pushojë dhe realizojmë më pas qofte të vogla sa një kokërr gështenjë të cilat i kaurdisim me gjalpë aq sa mos të thahen.

Qepët e grira hollë i vendosim në një tenxhere të marrin një valë, i kullojmë dhe i vendosim sërish në ujë tjetër me uthull dhe kripë (qepët duhet të kenë ujë aq sa të lundrojnë). I lëmë qepët të treten plotësisht. Përziejmë të verdhat e vezëve me qumështin, miellin me pak lëng dhe e shtojmë tek salca e qepëve duke e përzjerë me lëkundjen e tenxheres. Vendosim qoftet në salcën frikase dhe i lëmë të marrin valë për 3 -4 minuta.

MC/Shqiptarja.com

TAG: