Receta

Qofte me salcë me nerden, Adelina Pali tregon recetën plot shije të gjyshes së saj

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00. Herë pas here rubrikës së gatimit i bashkohen amvisa dhe shefa të ndryshëm kuzhine.

Redaksia 28 Dhjetor 2023, 11:32 | Përditesimi: 28 Dhjetor 2023, 11:38

Tavë me qofte me nerden

Përbërësit:

300 gr mish i grirë viçi
1 qepë e grirë në rende
15 gr oriz
1 kokërr vezë
30 gr miell gruri
10 gr miell misri
10 gr sheqer
Pak nerden kumbulle
Salcë domatesh
Vaj lule dielli
Nenexhik
Kripë, piper i zi

Përgatitja:

LEXO EDHE:
Pulë me oriz në furrë nga zonja Albana

Në një tas vendosim mishin e grirë, pak kripë, qepën e grirë në rende, nenexhikun, orizin, një lugë miell dhe një vezë. I përziejmë mirë, e punojmë për disa minuta, e mbulojmë dhe e lëmë 30 minuta të qetësohet në mënyrë që të lidhet mishi me përbërësit e tjerë dhe të marrë aromën e duhur.

Pasi janë qetësuar marrim një tigan, hedhim vaj rreth 1 filxhan kafeje dhe bëjmë qoftet, të cilat nuk i pudrosim me miell, por i skuqim direkt. Pasi të fillojnë skuqjen ulim pak flakën në mënyrë që të ziejnë nga brenda dhe të skuqen shumë dhe mos të shpërbëhen. I heqim nga zjarri, marrim tavën e vendosim mbi zjarr me 1 litër ujë, shtojmë piper dhe yndyrën që skuqëm qoftet të kulluar me një kullesë. Vendosim kapakun, e lëmë të nxehet uji pak, më pas shtojmë 1 lugë nerden, pak kripë dhe 1/2 lugë salcë domate. Neutralizojmë shijen me pak sheqer dhe përziejmë miellin e grurit dhe të misrit me pak nga lëngu dhe e hedhim brenda. E mbulojmë derisa të marrë valë e të lidhet lëngu dhe me pas shtojmë qoftet. E lëmë salcën me qofte të gatuhet për rreth 30 minuta derisa salca të lidhet plotësisht.

MC/Shqiptarja.com

TAG: